మెగాహీరోల రూట్లోనే వెళ్తున్న అక్కినేని బ్రదర్స్
cinema | Suryaa Desk | Published : Sat, May 28, 2022, 11:29 AM
అక్కినేని అఖిల్ నటిస్తున్న కొత్త చిత్రం ఏజెంట్. సురేందర్ రెడ్డి డైరెక్షన్లో యాక్షన్ థ్రిల్లర్ గా తెరకెక్కుతున్న ఈ చిత్రంలో ముంబై మోడల్, సోషల్ మీడియా సెలెబ్రిటీ సాక్షి వైద్య హీరోయిన్ గా పరిచయమవుతుంది. తాజాగా అందుతున్న సమాచారం ప్రకారం, సాక్షి వైద్యను నాగచైతన్య తన నెక్స్ట్ సినిమాలో హీరోయిన్ గా తీసుకునే ఆలోచనలో ఉన్నాడట. ప్రస్తుతం నాగ చైతన్య థాంక్యూ ప్రమోషన్స్ తో బిజీగా ఉన్నాడు. ఈ సినిమా తదుపరి కోలీవుడ్ డైరెక్టర్ వెంకట్ ప్రభుతో ద్విభాషా చిత్రాన్ని ప్రకటించిన చైతూ ఆ సినిమాలో సాక్షి వైద్య ను హీరోయిన్గా ఎంపిక చేద్దామనుకుంటున్నాడట. ఒక వేళ ఇదే నిజమైతే, తమ్ముడు తో నటించిన మూడో హీరోయిన్ తో నాగ చైతన్య స్క్రీన్ షేర్ చేసుకున్నట్టే. అంతకుముందు చైతూతో ఒకలైలా కోసం లో నటించిన పూజాహెగ్డే, ఇటీవలే అఖిల్ తో మోస్ట్ ఎలిజిబుల్ బ్యాచిలర్ లో నటించింది. అలానే, సవ్యసాచి లో చైతూతో జతకట్టిన నిధి అగర్వాల్ ఆ తర్వాత అఖిల్ మిస్టర్ మజ్నులో హీరోయిన్ గా నటించింది.
నిజానికి ఇలా హీరోయిన్లను షేర్ చేసుకునే పద్ధతి మెగాఫ్యామిలీ లో ఉండేది. కొన్నేళ్ల క్రితం వరకు అల్లుఅర్జున్, రామ్ చరణ్ ల మధ్య ఎక్కువగా ఈ సంప్రదాయం నడిచింది. కాజల్ అగర్వాల్, తమన్నాలను వరసపెట్టి తమ సినిమాలలో మెగాహీరోలు బుక్ చేసుకున్నారు. ఇదిలావుంటే, ఒకవేళ చైతూతో సాక్షివైద్య నటించడం కుదరకపోతే, ఆ ప్లేసులో యంగ్ బ్యూటీ శ్రీలీల ను తీసుకునే ఛాన్స్ ఉందని అంటున్నారు.
|
|