శకపురుషుని శతజయంతి సందర్భంగా NBK 107 నుండి స్పెషల్ పోస్టర్ విడుదల...
cinema | Suryaa Desk | Published : Sat, May 28, 2022, 11:38 AM
నేడు నందమూరి తారక రామారావు శతజయంతి సందర్భంగా నటిసింహం బాలకృష్ణ తన అప్ కమింగ్ ఫిలిం NBK 107 నుండి స్పెషల్ పోస్టర్ ను రిలీజ్ చేసారు. వైట్ అండ్ వైట్ ఔట్ ఫిట్ లో, మెడలో బంగారు గొలుసు, చేతికి వాచీ, వేళ్ళకు బంగారు ఉంగరాలతో సీమ పౌరుషాన్ని చూపిస్తూ, కత్తి పట్టిన బాలయ్య లుక్ మాస్ ప్రేక్షకులను విపరీతంగా ఆకట్టుకుంటుంది. శరవేగంగా షూటింగ్ జరుపుకుంటున్న ఈ చిత్రం ఇటీవలే బాలయ్య, చంద్రిక రవి మీద ఒక స్పెషల్ సాంగ్ ను చిత్రీకరించారు.
గోపీచంద్ మలినేని డైరెక్షన్లో బాలయ్య లీడ్ రోల్ లో నటిస్తున్న ఈ చిత్రానికి ఇంకా ఫైనల్ టైటిల్ ను ఫిక్స్ చెయ్యలేదు. ఇందులో బాలయ్య సరసన శ్రుతిహాసన్ ఆడిపాడనుంది. గోపీచంద్ మలినేని, బాలయ్య గత చిత్రాలు క్రాక్, అఖండ రెండు బ్లాక్ బస్టర్లే. వీరిద్దరి కాంబోలో రాబోతున్న సినిమా కావటంతో ప్రేక్షకులు ఈ సినిమాపై భారీ అంచనాలు పెట్టుకున్నారు. తమన్ సంగీతం అందిస్తున్న ఈ చిత్రం వచ్చే దసరాకు విడుదలయ్యే అవకాశాలు కనిపిస్తున్నాయి.
|
|