లాల్ సింగ్ చద్దా తో అక్కినేని ఫ్యాన్స్ నిరాశ... ఇప్పుడిలాంటివి అవసరమా చైతూ?

బంగార్రాజు, లవ్ స్టోరీ సినిమాలతో సక్సెస్ ట్రాక్ లో దూసుకుపోతున్న అక్కినేని వారసుడు నాగ చైతన్య లాల్ సింగ్ చద్దా అనే హిందీ సినిమాలో నటిస్తున్నాడనే విషయం తెలిసిందే కదా.  ఆ మూవీ ట్రైలర్ నిన్న విడుదలైంది. బాలీవుడ్ మిస్టర్ పర్ఫెక్షనిస్ట్ ఆమీర్ ఖాన్ తో కలిసి చైతూ ఈ సినిమాలో స్క్రీన్ షేర్ చేసుకున్నాడు. ఇందులో కరీనాకపూర్ ఖాన్ హీరోయిన్ గా నటించింది. తాజాగా విడుదలైన ట్రైలర్ ఉత్తరాదిన ప్రశంసలందుకుంటుంది. లాల్ సింగ్ చద్దా తో ఆమీర్ మరో క్లాసిక్ కు తెరతీసారని అంటున్నారు. కానీ టాలీవుడ్ ఆడియన్స్ మాత్రం ఆ ట్రైలర్ తో తీవ్ర అసంతృప్తికి గురయ్యారు. ముఖ్యంగా అక్కినేని అభిమానులు లాల్ సింగ్ చద్దా ట్రైలర్ పట్ల సుముఖతగా లేరు.., ఎందుకంటే, ఆ ట్రైలర్ లో చైతూ రెండు మూడు సీన్లలోనే కనిపించాడు. తన స్క్రీన్ స్పేస్ తక్కువగా ఉండడం, అది కూడా ఫన్నీ వే లో అల్లరి చెయ్యడం, ఎలాంటి ఎలివేషన్ సీన్లు లేకపోవడంతో మనోళ్ళకి ఆ ట్రైలర్, అందులో చైతూ పాత్ర అంతగా రుచించలేదు. ఒక సీన్లో అయితే, ఆమీర్ తో కలిసి చైతూ ఇన్నర్ వేర్ పై జోకులెయ్యడం మనోళ్లు అస్సలు సహించలేకపోతున్నారు. టాలీవుడ్లో హిట్ సినిమాల ట్రాక్ రికార్డుండి, బాలీవుడ్ లో అలాంటి గుర్తింపులేని, కామిక్ పాత్రల్లో నటించాల్సిన అవసరమేముంది అంటూ కొంతమంది  చైతూని ప్రశ్నిస్తున్నారు. ఇది కేవలం ట్రైలర్ మాత్రమే, సినిమాలో చైతూ పాత్ర కు ప్రాముఖ్యత ఉండి ఉండొచ్చు.. ఎలాంటి ఇంపార్టెన్స్ లేకుండానే చైతూ బాలీవుడ్ డెబ్యూ ఇస్తాడా? ఆ మాత్రం తనకు తెలియదా? అంటూ మరికొంతమంది చైతూని సపోర్ట్ చేస్తున్నారు. పోతే.., ఈ చిత్రం ఆగస్టు 11న విడుదల కాబోతుంది.