భారీ స్క్రీనింగ్ కు సిద్ధమైన కమల్ 'విక్రమ్'.. మొత్తం ఎన్ని థియేటర్లలో అంటే?
cinema | Suryaa Desk | Published : Mon, May 30, 2022, 10:41 PM
విశ్వనటుడు కమల్ హాసన్ నటించిన హై ఇంటెన్స్ యాక్షన్ ఎంటర్టైనర్ విక్రమ్. ఈ చిత్రాన్ని లోకేష్ కనగరాజ్ డైరెక్ట్ చేసారు. అనిరుద్ రవిచంద్రన్ సంగీతం అందించారు. వర్సటైల్ యాక్టర్స్ విజయ్ సేతుపతి, ఫాహద్ ఫాజిల్ కీ రోల్స్ ప్లే చేసారు. ఈ సినిమాలో హీరో సూర్య అతిధి పాత్రలో నటిస్తున్నారని ఇటీవలే దర్శకుడు లోకేష్ కనగరాజ్ ఎనౌన్స్ చేసారు. ప్రపంచవ్యాప్తంగా జూన్ 3న థియేటర్లలో విడుదల కాబోతుంది. తమిళ, తెలుగు, హిందీ భాషలలో రీసెంట్ గా రిలీజైన ట్రైలర్ తో ఈ సినిమాపై ప్రేక్షకుల్లో పాజిటివ్ బజ్ క్రియేట్ అయ్యింది. ఈ మూవీని తెలుగులో రిలీజ్ చేసే హక్కులను ప్రముఖ టాలీవుడ్ హీరో నితిన్ కొనుక్కున్నారు. విక్రమ్ తెలుగు ట్రైలర్ మెగాపవర్ స్టార్ రామ్ చరణ్ తేజ్ విడుదల చేసారు.
ఇటీవల ఈ మూవీ సెన్సార్ కార్యక్రమాలను పూర్తి చేసుకుని యూ/ ఏ సెర్టిఫికెట్ పొందింది. విక్రమ్ మూవీ ప్రపంచవ్యాప్తంగా ఐదువేల థియేటర్లలో గ్రాండ్ గా రిలీజ్ కానుంది. విక్రమ్ తెలుగు ప్రీ రిలీజ్ ఈవెంట్ హైదరాబాద్ లో మే 31వ తేదీన ఘనంగా జరగనుందని నితిన్ తండ్రి, ప్రముఖ డిస్ట్రిబ్యూటర్ సుధాకర్ రెడ్డి తెలిపారు. భారీ అంచనాల నడుమ తెలుగు, తమిళము, హిందీ భాషలలో అట్టహాసంగా విడుదలవనున్న విక్రమ్ కు ప్రేక్షకుల ఆదరణ ఎలా ఉంటుందో అని అంతటా ఆసక్తి నెలకొంది.
|
|