బండ్ల గణేష్ వారసులు సినీరంగ ప్రవేశం చేస్తున్నారా?
cinema | Suryaa Desk | Published : Tue, May 31, 2022, 03:27 PM
చిన్న నటుడిగా తన సినీ జీవితాన్ని ప్రారంభించిన బండ్ల గణేష్ రవితేజ నటించిన ఆంజనేయులు సినిమాతో ప్రొడ్యూసర్ గా మారారు.గబ్బర్ సింగ్, గోవిందుడు అందరివాడేలే, టెంపర్ వంటి హిట్ సినిమాలకి బండ్ల గణేష్ ప్రొడ్యూసర్ గా వ్యవహరించారు. పవర్ స్టార్ పవన్ కళ్యాణ్ కి వీరభక్తుడిగా చెప్పుకునే బండ్ల గణేష్ ఇకపై ఆయనతో సినిమాలు చెయ్యనని ఇటీవల సంచలన వ్యాఖ్యలు చేసారు. బండ్ల గణేష్ తొలిసారి హీరోగా నటిస్తూ చేసిన చిత్రం డేగల బాబ్జీ. తమిళ హిట్ చిత్రం ఒత్తు సెరప్పు సైజ్ 7 కు తెలుగు రీమేక్ గా ఈ చిత్రం రూపొందింది. ఈ సినిమా ఇటీవలే విడుదలై ఘోరపరాజయమయ్యింది. అయితే, ఈ సినిమా విడుదలైందని కూడా చాలామందికి తెలియదు.
తాజాగా బండ్ల గణేష్ చేసిన ఒక ట్వీట్ విశేష ఆదరణ దక్కించుకుంటుంది. వివాదాస్పద పోస్టులు చేస్తూ నిత్యం సోషల్ మీడియాలో బిజీగా ఉండే బండ్ల తాజాగా తన కుమారులిద్దరి ఫోటోలను పోస్ట్ చేసి ఆశీర్వదించండి అంటూ ట్వీట్ చేసాడు. అందుతున్న సమాచారం మేరకు, వీరిద్దరిలో ఒకరిని హీరోగా, మరొకరిని బిజినెస్ మాన్ గా చూడాలని బండ్ల ఆశపడుతున్నాడట. ఇండస్ట్రీలో వారసులకు కొదువేముంది? నీ పోలికలతో ఉన్న తనయుడిని హీరో చేసేయ్... అంటూ నెటిజన్లు కామెంట్లు పెడుతున్నారు.
|
|