బ్లాక్ బస్టర్ టికెట్ రేట్లతో ఆదిపురుష్ ... నిర్మాత క్లారిటీ
cinema | Suryaa Desk | Published : Thu, Jun 02, 2022, 11:59 AM
పాన్ ఇండియా స్టార్ ప్రభాస్ ఇటీవలే రాధేశ్యామ్ గా ప్రేక్షకుల ముందుకు వచ్చాడు. రాధాకృష్ణకుమార్ దర్శకత్వంలో అందమైన ప్రేమ కావ్యంగా తెరకెక్కిన ఈ చిత్రం భారీ ఓపెనింగ్స్ ను రాబట్టి యావరేజ్ టాక్ ను సొంతం చేసుకుంది. రాధేశ్యామ్ తర్వాత ప్రభాస్ ఆదిపురుష్ లో నటిస్తున్న విషయం తెలిసిందే. బాలీవుడ్ దర్శకుడు ఓం రౌత్ తెరకెక్కిస్తున్న ఈ చిత్రంలో ప్రభాస్, కృతిసనన్, సైఫ్ అలీఖాన్ కీలక పాత్రలు పోషిస్తున్నారు. ఈ చిత్రం భారతీయ ఇతిహాసం రామాయణం ఆధారంగా రూపొందుతుందని దర్శకుడు అధికారికంగా ప్రకటించాడు. రూ. 500 కోట్ల భారీ బడ్జెట్టుతో భూషణ్ కుమార్ ఈ సినిమాను నిర్మించారు.
తాజాగా జరిగిన ఒక ఇంటర్వ్యూలో భూషణ్ కుమార్ మాట్లాడుతూ సంచలన వ్యాఖ్యలు చేసారు. ఆదిపురుష్ మూవీ టికెట్లు బ్లాక్ బస్టర్ రేట్లతో అందుబాటులోకి వస్తాయని, టికెట్ రేట్లతో సంబంధం లేకుండా ప్రతి ఒక్కరిని థియేటర్లకు రప్పించి సినిమా చూసేలా చేసే సత్తా ఈ సినిమాకుందని తెలిపారు.
టికెట్ రేట్లను పెంచడం నిర్మాత సొంత విషయమనుకోండి.., కానీ, టికెట్ రేట్లను పెంచడం వల్ల చాలామంది థియేటర్లకు రారు. ఎవరో రాజమౌళి లాంటి దర్శకుడి సినిమా అయితే, టికెట్ రేట్లు అడ్డు రావనుకోండి. మరి ఎవరో కూడా తెలియని ఒక బాలీవుడ్ డైరెక్టర్ తీసిన ఆదిపురుష్ తెలుగు ఆడియన్స్ ల మనసు దోచుకోవాలంటే, నిర్మాతలు మరొక్కసారి టికెట్ రేట్లపై చర్చలు జరిపితే బావుంటుంది.
|
|