ట్రెండింగ్
షారుఖ్ - అట్లీ మూవీకి జవాన్ టైటిల్? షారుఖ్ డ్యూయల్ రోల్?
cinema | Suryaa Desk | Published : Thu, Jun 02, 2022, 02:34 PM
బాలీవుడ్ బాద్షా షారుఖ్ ఖాన్ సౌత్ డైరెక్టర్ అట్లీల కలయికలో ఒక సినిమా రూపొందుతున్న విషయం తెలిసిందే. ఇప్పటివరకు ఈ సినిమాకు లయన్ అనే టైటిల్ ప్రచారం లో ఉంది . తాజాగా ఈ సినిమాకు జవాన్ అనే టైటిల్ ను చిత్రబృందం ఖరారు చేసారని, ఇందులో షారుఖ్ ద్విపాత్రాభినయం చెయ్యబోతున్నారని వినికిడి. జవాన్ టైటిల్ ను నిమిషమున్నరపాటు సాగే ఒక టీజర్ తో అధికారికంగా ప్రకటించబోతున్నట్టు విశ్వసనీయవర్గాల సమాచారం. ఇందులో నయనతార ఇన్వెస్టిగేటివ్ ఆఫీసర్ గా నటిస్తున్నారు. సాన్యా మల్హోత్రా కీలక పాత్రలో నటించనుంది. ఈ మూవీ షూటింగును వీలైనంత త్వరగా పూర్తి చేసి తన తదుపరి చిత్రమైన డంకీ ని స్టార్ట్ చెయ్యాలని షారుఖ్ భావిస్తున్నాడు. పీకే, 3 ఇడియట్స్, సంజు వంటి బిగ్గెస్ట్ క్లాసిక్ సినిమాలనందించిన రాజ్ కుమార్ హిరానీ షారుఖ్ తో తొలి సారి చేస్తున్న చిత్రమిదే.
|
|