ఈ తేదీన అధికారిక వివాహ ప్రకటన చెయ్యనున్న నయన్ - విఘ్నేష్
cinema | Suryaa Desk | Published : Tue, Jun 07, 2022, 02:49 PM
2015లో కోలీవుడ్ లేడీ సూపర్ స్టార్ నయనతార చేసిన నేనూ..రౌడీనే మూవీ డైరెక్టర్ విగ్నేష్ శివన్ తో ప్రేమ వ్యవహారం నడిపిస్తున్న విషయం తెలిసిందే. ఆ మధ్య ఒక ఇంటర్వ్యూలో వారిద్దరికీ నిశ్చితార్ధం జరిగిపోయిందనీ, విగ్నేష్ తో సహజీవనం చేస్తున్నట్లు తెలిపింది నయన్. వీరిద్దరూ కలిసి తిరుపతి శ్రీ వెంకటేశ్వరస్వామిని దర్శించుకోవడం, చెన్నైలోని మరో గుళ్లో ప్రత్యేక పూజలు నిర్వహించడం, మధురైలోని కులదైవం గుడికి వెళ్లి పూజలు చెయ్యటం ...ఇవన్నీ వరసగా జరగటం చూసి అందరూ వీరిద్దరూ త్వరలోనే పెళ్లి చేసుకోబోతున్నారని అనుకున్నారు. ఈ వార్తను నిజం చేస్తూ పెళ్ళికి సంబంధించిన పనులను సైలెంట్గా చేసేస్తున్నారు. తాజాగా తమిళనాడు సీఎం స్టాలిన్ కు నయన్ - విఘ్నేష్ ఆహ్వాన పత్రిక ఇచ్చి వివాహానికి హాజరుకమ్మని ప్రత్యేకంగా పిలిచారు. ఎక్కడో ఓ మూల అనుమానం ఉన్న ప్రతి ఒక్కరికి దీంతో నయన్ పెళ్లి చేసుకోబోతుందని ఫుల్ క్లారిటీ వచ్చింది. వీరిద్దరి పెళ్ళికి సంబంధించి ఒక డిజిటల్ మ్యారేజ్ కార్డు సోషల్ మీడియాలో వైరల్ అవుతుంది. అందులో వెడ్డింగ్ డేట్ జూన్ 9న అని ఉంది. తమిళనాడులోని మహాబలిపురం ఒక ప్రైవేట్ రిసార్టులో అత్యంత సన్నిహితుల మధ్య వీరి వివాహం జరగనుందని తెలుస్తుంది. తాజా సమాచారం మేరకు, నయన్ - విఘ్నేష్ లు జూన్ 7వ తేదీన ప్రెస్ మీట్ నిర్వహించి తమ వివాహాన్ని అధికారికంగా ప్రకటించబోతున్నారట. తమపై ప్రేక్షకులు చూపిస్తున్న ప్రేమాభిమానులకు కృతజ్ఞతలు తెలపనున్నారట.
|
|