బ్రహ్మాస్త్ర నుండి అమితాబ్ బచ్చన్ స్పెషల్ పోస్టర్ రిలీజ్
cinema | Suryaa Desk | Published : Thu, Jun 09, 2022, 04:05 PM
దర్శకధీరుడు రాజమౌళి తెలుగులో సమర్పిస్తున్న బాలీవుడ్ ప్రెస్టీజియస్ చిత్రం బ్రహ్మాస్త్ర. అయాన్ ముఖర్జీ దర్శకత్వంలో రణబీర్ కపూర్, ఆలియా భట్ జంటగా నటిస్తున్న చిత్రం బ్రహ్మాస్త్ర. మోడరన్ మైథలాజికల్ మూవీగా తెరకెక్కుతున్న ఈ సినిమాలో అమితాబ్ బచ్చన్, టాలీవుడ్ కింగ్ అక్కినేని నాగార్జున, మౌని రాయ్ ముఖ్యపాత్రలు పోషిస్తున్నారు. ఇటీవలే షూటింగ్ పూర్తి చేసుకున్న ఈ చిత్రం 2022 సెప్టెంబర్ 9న విడుదలవనుంది.
బ్రహ్మాస్త్ర... పోస్టర్లు, హీరో, హీరోయిన్ ఇంట్రడక్షన్ ప్రోమోలను బట్టి శివుడికి సంబంధించిన సినిమాగా తెలుస్తుంది. ఇందులో హీరో పేరు కూడా శివే. ఈ మూవీ ఎక్కువశాతం వారణాసిలో షూటింగ్ జరుపుకుంది. రణ్ బీర్, అయాన్ ముఖర్జీ, రాజమౌళి ఇటీవలే బ్రహ్మాస్త్ర మూవీ ప్రమోషన్స్ ను వైజాగ్ లో స్టార్ట్ చేసారు. తాజాగా ఈ సినిమాలో గురూజీ గా ముఖ్యపాత్ర పోషిస్తున్న బిగ్ బి అమితాబ్ బచ్చన్ లుక్ ను రివీల్ చేసారు. ముఖంపై గాయాలతో, కాంతులీనే కత్తిని పట్టుకున్న అమితాబ్ మనకు ఈ పోస్టర్ లో దర్శనమిస్తారు. బాలీవుడ్ కా బాహుబలి అని హిందీ వాళ్ళు గొప్పగా చెప్పుకుంటున్న ఈ మూవీ ఇండియన్ బాక్సాఫీస్ వద్ద ఎలాంటి రికార్డులను నమోదు చేస్తుందో అని సౌత్, నార్త్ సినీ ప్రేక్షకులు ఆసక్తిగా ఎదురుచూస్తున్నారు.
|
|