పక్కా ప్లానింగ్ తో కొరటాల...వచ్చే సమ్మర్ కే ఎన్టీఆర్ 30
cinema | Suryaa Desk | Published : Thu, Jun 09, 2022, 04:09 PM
సక్సెస్ఫుల్ గా కొనసాగుతున్న తన సినీ కెరీర్ లో ఆచార్య తీసుకొచ్చిన డిజాస్టర్ అపవాదును వీలైనంత త్వరగా తొలగించుకుని తిరిగి సక్సెస్ ట్రాక్ లోకి రావాలనుకుంటున్న కొరటాల అందుకు సంబంధించిన పనులను వేగంగా కానిచ్చేస్తున్నారు. ఆచార్య విడుదలై నెల తిరక్కుండానే తారక్ తో సినిమాను ప్రకటించి తనలో ఉన్న విజయకాంక్షను అందరికి తెలియచేసాడు. ఎన్టీఆర్ 30 మోషన్ పోస్టర్ తో కొంత సక్సెస్ ఐన కొరటాల పూర్తి సినిమాతో బ్లాక్ బస్టర్ హిట్ ను ప్లాన్ చేసాడు. అందుకోసం ఏ చిన్న విషయాన్ని కూడా అశ్రద్ధ చెయ్యకుండా అన్నిటిని దగ్గరుండి చూసుకుంటున్నాడు. తారక్ సినిమాలో ఎలాంటి స్క్రిప్ట్ లోపాలు లేకుండా మరింత శ్రద్ధ వహిస్తున్నాడు. ప్రీ ప్రొడక్షన్ పనులు ఆలస్యమవుతున్న కారణంగా జూన్ లేదా జూలై లో మొదలు పెట్టాల్సిన రెగ్యులర్ షూటింగ్ ఆగస్టుకు వాయిదా పడినట్టు తెలుస్తుంది. ఆగస్టులో మొదలు పెట్టి ఆరునెలల్లోనే మూవీని పూర్తి చేసి వచ్చే సమ్మర్ కల్లా రిలీజ్ చెయ్యాలని మాస్టర్ ప్లాన్ వేసాడట. ఆర్ ఆర్ ఆర్ లో అవసరమైన చోట అమాయకంగా నటిస్తూ, కావాల్సిన చోటల్లా చెలరేగి నటించిన తారక్ మరోసారి పవర్ఫుల్ పాత్రలో నటించి ప్రేక్షకులను మెప్పించడానికి సిద్ధమవుతున్నాడు. ఈ సినిమాలో హీరోయిన్ ఎవరనేది ఇంకా తెలియదు.
|
|