లవ్ ఎంటర్టైనర్ లు ఎప్పుడు బ్రో? నెటిజన్ ప్రశ్నకు "విక్రమ్" దర్శకుడి వింత సమాధానం
cinema | Suryaa Desk | Published : Fri, Jun 10, 2022, 02:31 PM
"విక్రమ్" సినిమాతో డైరెక్టర్ లోకేష్ కనగరాజ్ పేరు నార్త్, సౌత్ ఫిలిం ఇండస్ట్రీలలో టాక్ ఆఫ్ ది ఇండస్ట్రీస్ గా నిలిచింది. యాక్షన్ ప్యాక్డ్ ఎమోషనల్ మూవీగా విక్రమ్ మూవీ దేశవ్యాప్తంగా వసూళ్ల వర్షం కురిపిస్తుంది. విశ్వనటుడు కమల్ హాసన్ ప్రధాన పాత్ర పోషించిన ఈ సినిమాలో విజయ్ సేతుపతి, ఫాహద్ ఫాజిల్ కీలకపాత్రలు పోషించారు. హీరో సూర్య పవర్ఫుల్ అతిధి పాత్రను పోషించారు.
విక్రమ్ గ్రాండ్ సక్సెస్ తో తాజాగా లోకేష్ కనగరాజ్ ట్విట్టర్ లో ఒక చాట్ సెషన్ నిర్వహించగా ఆయనకు పలు ఆసక్తికర ప్రశ్నలు ఎదురయ్యాయి. మీనుంచి కంప్లీట్ లవ్ స్టోరీ లాంటి సినిమాలు ఏమన్నా ఆశించవచ్చా అని ఓ నెటిజన్ అడగ్గా, లోకేష్ చెప్పిన ఆన్సర్ అందరి దృష్టిని ఆకర్షిస్తుంది. అమ్మో !...అలాంటి సినిమాలు మన వల్ల కాదు బ్రో, చాలా కష్టం అని లోకేష్ సమాధానం చెప్తాడు. ఈ చాట్ సోషల్ మీడియాలో వైరల్ గా మారింది.
|
|