శ్రీవారి కళ్యాణసేవలో నవదంపతులు నయన్ - విఘ్నేష్
cinema | Suryaa Desk | Published : Fri, Jun 10, 2022, 02:39 PM
ఆరేళ్లుగా ఎంతగానో ఆరాధిస్తున్న డైరెక్టర్ విఘ్నేష్ శివన్ ను నయనతార పెళ్లాడిన విషయం తెలిసిందే. కుటుంబ సభ్యులు, సన్నిహితులు, శ్రేయోభిలాషులు, సినీ సెలెబ్రిటీలు హాజరైన ఈ వేడుక అంగరంగ వైభవంగా జరిగింది. ఎరుపు రంగు సంప్రదాయ దుస్తుల్లో, బంగారు, వజ్రాభరణాలతో నవ వధువు నయనతార చూడటానికి రెండు కళ్ళు సరిపోవన్నంత అందంగా ఉంది. బంగారు రంగు షేర్వాణీ తో విఘ్నేష్ శివన్ లుక్ రాయల్ గా ఉంది. నిన్న మధ్యాహ్నం వీరి పెళ్లి ఫోటోలు విడుదలవగా కొన్ని క్షణాల్లోనే వైరల్గా మారాయి. నవదంపతులుగా రేపు మీడియా ముందుకు రానున్న నయన్ - విఘ్నేష్ లు ఈ రోజు ఆంధ్రప్రదేశ్ లోని తిరుపతి శ్రీ వెంకటేశ్వర స్వామి వారిని దర్శించుకున్నారు. శుక్రవారం ఉదయం తిరుమల కొండను చేరుకున్న నయన్ దంపతులు శ్రీవారి కళ్యాణసేవలో పాల్గొన్నారు. వేదాశీర్వచనాలతో పండితులు నయన్, విఘ్నేష్ లను దీవించారు.
|
|