ట్రెండింగ్
విరాటపర్వం లో వరంగల్ కు ప్రత్యేకస్థానం - డైరెక్టర్ వేణు
cinema | Suryaa Desk | Published : Fri, Jun 10, 2022, 04:59 PM
రానా , సాయిపల్లవి తొలిసారి జంటగా నటిస్తున్న చిత్రం విరాటపర్వం. వేణు ఉడుగుల డైరెక్షన్లో, నక్సలిజం తో ముడిపడిన ఒక అందమైన ప్రేమకథగా ఈ సినిమా తెరకెక్కింది. తాజాగా వేణు ఈ సినిమాపై ప్రత్యేక నోట్ ను సోషల్ మీడియాలో షేర్ చేసుకున్నారు.
స్క్రిప్ట్ పనులు మొదలు పెట్టి, స్క్రీన్ పై ఆవిష్కరించేంత వరకు విరాటపర్వం సినిమాలో వరంగల్ ది ప్రత్యేక స్థానమని, విరాటపర్వం మెయిన్ స్టోరీ లైన్ కు ప్రేరణనిచ్చిందే వరంగల్ అనీ చెప్పారు. ఇంకా నటీనటులు పలికే పద్యాలు, జానపద పాటలలో వరంగల్ అంతర్భాగమై ఉంటుందని చెప్పారు. దీంతో వరంగల్ ప్రజలను ఆత్మీయంగా పలకరించేందుకు "విరాటపర్వం ఆత్మీయ వేడుక" పేరుతో వరంగల్ లో ఒక ప్రత్యేక ఈవెంట్ ను జూన్ 12న, సాయంత్రం ఐదు గంటలకు నిర్వహించబోతున్నామని ప్రకటించారు. జూన్ 17 న ప్రపంచ వ్యాప్తంగా విరాటపర్వం సినిమా విడుదల కానుంది.
|
|