షారుఖ్ ఖాన్ వారసురాలి ఎంట్రీ కి రంగం సిద్ధం?

బాలీవుడ్ లో బాగా పేరొందిన ఖాన్ లలో కింగ్ ఖాన్ గా పేరు తెచ్చుకున్నారు షారుఖ్ ఖాన్. ఆరుపదుల వయసులోనూ వరస సినిమాలు చేస్తున్న షారుఖ్, ఆయన భార్య గౌరికి ఇద్దరు పిల్లలు..కుమారుడు ఆర్యన్ ఖాన్, కూతురు సుహానా ఖాన్.   

షారుఖ్ కూతురు సుహానా బాలీవుడ్ ఎంట్రీ పై ఎప్పటి నుండో ఊహాగానాలు వినపడుతున్నాయి. వీటన్నిటికీ తెర దించుతూ సుహానా తన తొలి స్క్రీన్ అప్పియరెన్స్ ను ఓటిటి ద్వారా చేస్తుంది. అంటే సుహానా బిగ్ స్క్రీన్ కన్నా ముందుగా డిజిటల్ ఎంట్రీ ఇస్తుంది. బాలీవుడ్ ప్రముఖ డైరెక్టర్ జోయా అక్తర్ డైరెక్షన్లో తెరకెక్కుతున్న "ది ఆర్చీస్" సినిమాలో సుహానా ఒక కీలకపాత్రను పోషిస్తుంది. ఈ సినిమాతో ఒక్క సుహానానే కాదు, బోనీ కపూర్ -శ్రీదేవి కూతురు ఖుషి కపూర్, బిగ్ అమితాబ్ బచ్చన్ మనవడు అగస్త్య నందన్ లు కూడా పరిచయమవుతున్నారు. 

తాజాగా సుహానా ఖాన్ వెండితెరకు కూడా రంగం సిద్ధం అయినట్టు తెలుస్తుంది. ఎందరో స్టార్ కిడ్స్ ను హీరోహీరోయిన్లుగా మలిచిన కరణ్ సుహానాను ఒక సౌత్ కథతో తెరకు పరిచయం చెయ్యాలని డిఫరెంట్ గా ప్లాన్ చేస్తున్నారని వినికిడి. ఇప్పటికే మలయాళ సూపర్ హిట్ ఫిలిం "హృదయం" మూవీ రీమేక్ హక్కులు కరణ్ దగ్గర రెడీగా ఉండటంతో ఆ సినిమాతోనే సుహానా పరిచయం జరుగుతుందని అందరూ అనుకుంటున్నారు. యూత్ ను టార్గెట్ చేసుకుని తెరకెక్కిన రొమాంటిక్ డ్రామా 'హృదయం'. ఒక యువకుడి జీవిత ప్రయాణాన్ని వెండితెరపై అద్భుతంగా ఆవిష్కరించారు దర్శకుడు వినీత్ శ్రీనివాసన్. ఈ సినిమాని హిందీ, తెలుగు, తమిళ భాషల్లో రూపొందించేందుకు గానూ హక్కుల్ని చేజిక్కించుకున్నారు కరణ్. అయితే, సుహానా బాలీవుడ్ ఎంట్రీ పై ఇప్పటివరకు ఎలాంటి అధికారిక ప్రకటన లేదు. ఫ్యూచర్ లో వస్తుందేమో చూడాలి.