కోటి ఇస్తేనే సినిమా ...నిర్మాతలకు యంగ్ బ్యూటీ షరతు

ఫలానా చిత్రసీమలో, ఫలానా హీరోయిన్ కి మంచి గుర్తింపు, క్రేజ్ వచ్చిందనుకోండి ... అలాంటివారిని టాలీవుడ్ కి పరిచయం చెయ్యటానికి మన దర్శక నిర్మాతలు ముందుంటారు. అలాంటివారిలో లేట్ దివ్యభారతి, టబు, కత్రినా కైఫ్, సాయి పల్లవి, రష్మిక మండన్నా , వింక్ బ్యూటీ ప్రియప్రకాష్ వారియర్ లాంటి వారు ఎందరో ఉన్నారు. వీళ్ళందరూ వేరేభాష చిత్రాలలో ఆల్రెడీ ఎంట్రీ ఇచ్చి తర్వాత టాలీవుడ్ లో పాగా వేసినవారే. ఐతే వారిలో కొందరు తొలి చిత్రంతోనే టాప్ రేంజుకి వెళ్తే, మరికొందరు హీరోయిన్ గా తగిన గుర్తింపు తెచ్చుకోవడంలో  ఫెయిల్ అయ్యారు.   కొత్తవారిని పరిచయం చెయ్యడంలో అత్యుత్సాహం చూపించే టాలీవుడ్ దర్శక నిర్మాతలు, ప్రస్తుతం కోలీవుడ్ యంగ్ సెన్సేషన్ దివ్యభారతి ని టాలీవుడ్ కి పరిచయం చెయ్యటానికి ఉవ్విళ్లూరుతున్నారు. తమిళ సినిమా "బ్యాచిలర్" తో ఈ భామ యమాక్రేజ్ తెచ్చుకుంది. ఇప్పటికే ఈమె టాలీవుడ్ డిబట్ చెయ్యాల్సింది ...కానీ చెయ్యలేదు? ఎందుకో తెలుసా? 

టాలీవుడ్ ప్రముఖ నిర్మాతలు దివ్యభారతికి బ్రేక్ ఇవ్వడానికి రెడీగా ఉన్నారు. కానీ, ఆమె రెమ్యునరేషన్ కు భయపడి వెనక్కి తగ్గుతున్నారని టాక్. టాలీవుడ్ డిబట్ ఎంట్రీ ఇచ్చిన యంగ్ బ్యూటీస్ కృతి శెట్టి, శ్రీలీల వంటి వారు మొదటి సినిమాకు 5-10లక్షలు ఛార్జ్ చేసి ప్రస్తుతం కోటి వరకు తీసుకుంటున్నారు. అలాంటిది.., డిబట్ ఎంట్రీకే కోటి డిమాండ్ చేస్తే దివ్యభారతిని ఎంచుకునే నిర్మాతలు ఎవరుంటారు చెప్పండి? దివ్యభారతి మనసు మార్చుకుని కృతిశెట్టి, శ్రీలీల లాగా ఐదు, పది లక్షలతో డిబట్ చేసి, ఆపై తనకొచ్చే క్రేజ్ తో పారితోషికం పెంచితే బావుంటుందని టాలీవుడ్ నిర్మాతలు వాపోతున్నారు.