"సలార్" గా ప్రభాస్ రాక ఎప్పుడంటే?
cinema | Suryaa Desk | Published : Tue, Jun 14, 2022, 04:33 PM
పాన్ ఇండియా స్టార్ ప్రభాస్ నటిస్తున్న మరో పాన్ ఇండియా చిత్రం సలార్. కేజీఎఫ్ తర్వాత ప్రశాంత్ నీల్ నుండి రాబోతున్న మరో ఫుల్ లెంగ్త్ యాక్షన్ ఎంటర్టైనర్. ఇందులో శృతి హాసన్ కథానాయిక. హోంబలే ఫిలిమ్స్ బ్యానర్ పై విజయ్ కిరంగదుర్ నిర్మిస్తున్న ఈ చిత్రానికి రవి బస్రుర్ సంగీతం అందిస్తున్నారు. 30శాతం షూటింగ్ పూర్తి చేసుకున్న ఈ మూవీ చాలా లాంగ్ బ్రేక్ తర్వాత ఇటీవలే కొత్త షెడ్యూల్ ను ప్రారంభించింది. ఈ మూవీ విడుదల కోసం వేకళ్ళతో ఎదురుచూస్తున్న అభిమానులకు ఒక శుభవార్త. ఏంటంటే, ప్రభాస్ సలార్ మూవీ వచ్చే ఏడాది 2023 ఏప్రిల్ 14న రిలీజ్ చెయ్యాలని మేకర్స్ భారీ ప్లాన్ చేస్తున్నారట. అందుకోసం ఇప్పటికే పక్కా షెడ్యూల్ ని ప్రిపేర్ చేశారట.
గతంలో సలార్ సెట్స్ నుండి లీకైన ఫోటోలు చూసిన ప్రభాస్ ఫ్యాన్స్ ప్రశాంత్ నీల్ ఎలివేషన్స్, ప్రభాస్ లాంటి కటౌట్ కి పడితే ఆ సినిమా వేరే లెవెల్ లో ఉంటుందని నమ్మకంగా ఉన్నారు. అసలు సిసలైన మాస్ యాక్షన్ అంటే ఎలా ఉంటుందో సలార్ సినిమాతో బాక్సాఫీస్ కు ప్రభాస్ రుచి చూపిస్తాడని, కేజీఎఫ్ కి మించి సలార్ మూవీ లో యాక్షన్ సీన్స్ ఉంటాయని, లీకైన ఫొటోలతో ప్రభాస్ అభిమానులు సోషల్ మీడియాలో చేస్తున్న హంగామా మాములుగా లేదు. కేజిఎఫ్ చిత్రంతో పాన్ ఇండియా మార్కెట్ ని శాసిస్తున్న ప్రశాంత్ డార్లింగ్ తో చేస్తున్న మూవీ కావటంతో అభిమానులు ఈ సినిమాపై భారీ అంచనాలను పెట్టుకున్నారు.
|
|