ఆగస్టులో రిలీజ్ కు సిద్ధమైన బెల్లంకొండ తనయుడి కొత్త సినిమా
cinema | Suryaa Desk | Published : Wed, Jun 15, 2022, 12:32 PM
ప్రముఖ టాలీవుడ్ నిర్మాత బెల్లంకొండ సురేష్ రెండవ తనయుడు బెల్లంకొండ గణేష్ త్వరలోనే టాలీవుడ్ ఇండస్ట్రీ కి హీరోగా పరిచయమవబోతున్నాడు. బెల్లంకొండ గణేష్ హీరోగా, కొత్త దర్శకుడు లక్ష్మణ్ కే. కృష్ణ తెరకెక్కిస్తున్న చిత్రం స్వాతిముత్యం. గణేష్ సరసన యువనటి వర్ష బొల్లమ్మ నాయికగా నటిస్తుంది. ఇప్పటివరకు విడుదలైన పోస్టర్ లలో వర్ష, గణేష్ ల జంట చాలా ఫ్రెష్ గా కనిపిస్తుంది. అన్ని వర్గాల ప్రేక్షకులని అలరించే విధంగా ఈ సినిమా రూపొందిందనీ, తొలిసినిమాతోనే గణేష్ మంచి విజయాన్నందుకుంటాడని చిత్రబృందం నమ్మకంగా ఉంది.
తాజాగా ఈ మూవీ విడుదల తేదీని మేకర్స్ ఖరారు చేసినట్టు తెలుస్తుంది. ఈ ఆగస్టు 13న స్వాతిముత్యం సినిమాను థియేటర్లలో విడుదల చెయ్యబోతున్నట్టు తెలిపే ఒక స్పెషల్ పోస్టర్ ను మేకర్స్ సోషల్ మీడియా వేదికగా రిలీజ్ చేసారు. ఈ పోస్టర్ లో హీరోహీరోయిన్లు సరదాగా స్కూటీ మీద రోడ్డు ప్రయాణం చేస్తున్నట్టు జాలిగా కనిపిస్తున్నారు. ఈ సినిమాను సితార ఎంటర్టైన్మెంట్స్ బ్యానర్ పై సూర్యదేవర నాగవంశీ నిర్మిస్తున్నారు. మహతీ స్వరసాగర్ సంగీతమందించారు.
|
|