'విరాట పర్వం' నుండి 'ది బర్త్ ఆఫ్ వెన్నెల' రిలీజ్
cinema | Suryaa Desk | Published : Thu, Jun 16, 2022, 01:54 PM
వేణు ఊడుగుల దర్శకత్వంలో టాలీవుడ్ హ్యాండ్సమ్ హంక్ రానా దగ్గుబాటి 'విరాట పర్వం' సినిమా చేస్తున్న సంగతి అందరికి తెలిసిందే. ఈ పీరియాడికల్ డ్రామాలో సాయి పల్లవి కథానాయికగా నటించింది. రానా అభిమానులు అండ్ సినీ ప్రేమికులు ఈ సినిమా కోసం ఎంతో ఆసక్తిగా ఎదురుచూస్తున్నారు. విరాట పర్వం సినిమా జూన్ 17, 2022న ప్రపంచవ్యాప్తంగా థియేటర్లలో విడుదల కానుంది. తాజాగా ఇప్పుడు ప్రమోషన్స్‌లో భాగంగా మూవీ మేకర్స్ 'ది బర్త్ ఆఫ్ వెన్నెల' అనే వీడియోని విడుదల చేసారు. వెన్నెలగా సాయి పల్లవి తన తల్లి గర్భం నుండి ఎలా బయటకు వస్తుందో ఈ వీడియోలో చూడొచ్చు. ఈ వీడియోలో నక్సల్ డాక్టర్‌గా నివేదా పుతిరాజ్ కనిపిస్తుంది. ప్రియమణి, నందితా దాస్, నివేదా పేతురాజ్, ఈశ్వరీ రావు, రవి ఆనంద్, నవీన్ చంద్ర, జరీనా వహాబ్ తదితరులు ఈ సినిమాలో కీలక పాత్రలు పోషిస్తున్నారు. సురేష్ ప్రొడక్షన్స్, శ్రీ లక్ష్మీ వెంకటేశ్వర సినిమాస్ బ్యానర్లపై సురేష్ బాబు, సుధాకర్ చెరుకూరి ఈ సినిమాని నిర్మిస్తున్నారు. ఈ చిత్రానికి సురేష్ బొబ్బిలి సంగీతం అందించారు.
|
|