ప్రభాస్ రిజెక్ట్ చేసిన స్టోరీతో మెగాస్టార్ సినిమా?

కోలీవుడ్ సెన్సేషనల్ డైరెక్టర్ లోకేష్ కనగరాజ్ తెరకెక్కించిన కొత్త చిత్రం విక్రమ్. పక్కా కమర్షియల్ యాక్షన్ థ్రిల్లర్ గా లోకేష్ డైరెక్షన్లో రూపొందిన ఈ సినిమాలో విశ్వనటుడు కమల్ హాసన్ టైటిల్ రోల్ లో నటించగా, హీరో సూర్య, విజయ్ సేతుపతి, ఫహద్ ఫాజిల్ కీలకపాత్రల్లో నటించి సినిమాను బ్లాక్ బస్టర్ హిట్ చేసారు. తమిళనాడులో బాహుబలి 2 సెట్ చేసిన అరుదైన రికార్డును బద్దలుకొట్టి, రూ. 300కోట్ల గ్రాస్ క్లబ్ లోకి చేరింది. విక్రమ్ చిత్రబృందాన్ని మెగాస్టార్ చిరు తన ఇంటికి ఆహ్వానించి, విందు భోజనం ఏర్పాటు చేసి మరీ కమల్ అండ్ లోకేష్ ను సత్కరించారు. ఈ క్రమంలో ప్రభాస్ రిజెక్ట్ చేసిన స్టోరీని తనకు నేరేట్ చెయ్యమని డైరెక్టర్ లోకేష్ ను చిరు అడిగారట. కథ విన్న చిరు స్క్రిప్ట్ కు కొన్ని మార్పులను సూచించి, తనతో కానీ, తనయుడు రామ్ చరణ్ తో కానీ ఈ సినిమా చెయ్యమని లోకేష్ కు మెగా ఆఫర్ ఇచ్చారట.     
సినీ ఇండస్ట్రీలో ఒక హీరో రిజెక్ట్ చేసిన కథతో మరొక హీరో సినిమా చేసి సూపర్ హిట్లు కొట్టడం మనం చూస్తూనే ఉన్నాం. ప్రభాస్ రిజెక్ట్ చేసిన అదే కథతో మెగా హీరో సినిమా చెయ్యడమంటే మాములు విషయం కాదు. దర్శకుడు లోకేష్ పట్ల చిరుకున్న గట్టి నమ్మకమే అందుకు కారణమని క్లియర్ గా తెలుస్తుంది. కానీ, లోకేష్ మీద బన్నీ కన్ను కూడా ఉంది. పుష్ప సక్సెస్ తో ఊరమాస్ నటనకు బ్రాండ్ అంబాసిడర్ గా మారిన బన్నీ పుష్ప సీక్వెల్ తర్వాత లోకేష్ తో సినిమా చేద్దామని అనుకుంటున్నాడట. కొత్తగా ఇప్పుడేమో లోకేష్ ఖాతాలోకి చిరు వచ్చాడు.
మరి ఈ యువ సెన్సేషనల్ డైరెక్టర్ తో సినిమా చేసే ఆ లక్కీ టాలీవుడ్ హీరో ఎవరో చూడాలంటే కాస్త ఎక్కువ సమయమే పట్టేటట్లుంది. ఎందుకంటే ఆల్రెడీ లోకేష్ విజయ్, కార్తీ లతో తదుపరి సినిమాలకు కమిట్ అయ్యాడు.