పెట్టుబడులు పెట్టకుండా బిజినెస్... రష్మిక మాస్టర్ మైండ్ అమేజింగ్!
cinema | Suryaa Desk | Published : Fri, Jun 24, 2022, 05:20 PM
దీపముండగానే ఇల్లు చక్కబెట్టుకోవాలి ... అనే సామెత సెలెబ్రెటీలకు బాగా వర్తిస్తుంది. ఫేమ్, స్టార్డం ఉన్నప్పుడే నాలుగు రాళ్లు వెనకేసుకొని జీవితాన్ని హ్యాపీగా గడిపేస్తుంటారు. హీరోయిన్లయితే ఈ విషయంలో పక్కా ప్రణాళికలతో ఉంటారు. నేషనల్ క్రష్ రష్మిక మండన్నా కూడా ఇందుకు మినహాయింపేమీ కాదు.
చేసిన నాలుగైదు సినిమాలతోనే, పాన్ ఇండియా రేంజులో స్టార్డంను సంపాదించుకుంది ఈ కన్నడ బ్యూటీ. సినిమా సినిమాకు పారితోషికాన్ని పెంచేస్తూ, ఫోటోషూట్లు, యాడ్ షూట్లు, బ్రాండ్ ప్రమోషన్స్ అంటూ చేతినిండా సంపాదిస్తుంది. వీటికి తోడు కొత్తగా రష్మిక బిజినెస్ రంగంలోకి అడుగుపెట్టింది. అదికూడా రూపాయి పెట్టుబడి లేకుండా... అదెలా సాధ్యం అనుకుంటున్నారా?
వేగన్ బ్యూటీ అండ్ పర్సనల్ కేర్ సంస్థకు బ్రాండ్ అంబాసిడర్ గా ఇటీవలే రష్మిక నియమింపబడింది. ఇందుకు పారితోషికం తీసుకోకుండా, సదరు సంస్థ యాజమాన్యం తనకివ్వాలనుకుంటున్న డబ్బును అదే సంస్థలో పెట్టుబడిగా పెట్టి లాభాల్లో భాగం పంచుకుంటుంది. ఇలాంటి మాస్టర్ మైండ్ తో ఉన్న రష్మిక హీరోయిన్ గా ఉండేకన్నా, వ్యాపార రంగంలో ఉంటే కోట్లకు అధిపతి అయ్యుండేదేమో!
|
|