"మైత్రి"సంస్థతో చేతులు కలిపిన నందమూరి హీరో...!!
cinema | Suryaa Desk | Published : Tue, Jul 05, 2022, 02:14 PM
ప్రముఖ టాలీవుడ్ నిర్మాణ సంస్థ మైత్రి మూవీ మేకర్స్ సంస్థలో నందమూరి యువహీరో కళ్యాణ్ రామ్ ఒక సినిమా చేయబోతున్నట్టు కొంచెంసేపటి క్రితమే అధికారిక ఎనౌన్స్మెంట్ జరిగింది. ఈరోజు నందమూరి కళ్యాణ్ రామ్ 44వ పుట్టినరోజు సందర్భంగా సాలిడ్ బర్త్ డే ట్రీట్ రావటం పట్ల అభిమానులు సంతోషం వ్యక్తం చేస్తున్నారు. ఈ సినిమా కళ్యాణ్ రామ్ కెరీర్ లో 19వ సినిమా కావడంతో NKR 19అనే వర్కింగ్ టైటిల్ తో పిలవబడుతుంది. ఈమేరకు ప్రీ లుక్ పోస్టర్ ను మేకర్స్ సోషల్ మీడియా వేదికగా విడుదల చేసారు. త్వరలోనే టైటిల్ అండ్ ఫస్ట్ లుక్ పోస్టర్ లు విడుదల కాబోతున్నాయని ప్రకటించారు.
కళ్యాణ్ రామ్ బర్త్ డే సందర్భంగా ఆయన తొలిసారి నటిస్తున్న హైస్టారికల్ మూవీ "బింబిసార" ట్రైలర్ రిలీజ్ అవ్వగా, ఆ ట్రైలర్ ను ప్రేక్షకులు విశేషంగా ఆదరిస్తున్నారు. ఈ ట్రైలర్ తో ఆ సినిమాపై భారీ అంచనాలు ఏర్పడ్డాయి. బింబిసార ప్రపంచవ్యాప్తంగా ఆగస్టు 5వ తేదీన విడుదల కావడానికి రెడీ అవుతుంది.
|
|