యూట్యూబ్లో 1 మిలియన్ వ్యూస్ క్రాస్ చేసిన 'రారా రెడ్డి' సాంగ్ ప్రోమో
cinema | Suryaa Desk | Published : Sat, Jul 09, 2022, 03:11 PM
MS రాజశేఖర్ రెడ్డి దర్శకత్వంలో టాలీవుడ్ హీరో నితిన్ ఒక సినిమా చేస్తున్న సంగతి అందరికి తెలిసిందే. ఈ సినిమాకి 'మాచర్ల నియోజకవర్గం' అనే టైటిల్ ని మేకర్స్ ఖరారు చేసారు. ఈ సినిమాలో నితిన్ ఐఏఎస్ ఆఫీసర్ (గుంటూరు జిల్లా కలెక్టర్) గా నటిస్తున్నాడు. నితిన్ సరసన ఈ సినిమాలో కృతి శెట్టి అండ్ కేథరిన్ త్రెసా హీరోయిన్లుగా నటిస్తున్నారు. ఈ సినిమా ఆగష్టు 12, 2022న విడుదల కానుంది. 'రా రా రెడ్డి... ఐయామ్ రెడీ' అనే టైటిల్ తో రూపొందిన ఐటెం సాంగ్ ప్రోమోను మూవీ మేకర్స్ విడుదల చేసారు. ఇప్పుడు లేటెస్ట్ రిపోర్ట్ ప్రకారం, ఈ సాంగ్ ప్రోమో యూట్యూబ్లో 1 మిలియన్ వ్యూస్ క్రాస్ చేసినట్లు సమచారం. ఈరోజు ఉదయం మాచర్ల నియోజకవర్గం నిర్మాతలు ట్విట్టర్లో కొత్త పోస్టర్ను విడుదల చేసి ఈ విషయాన్ని వెల్లడించారు. లిప్సిక ఈ ఎనర్జిటిక్ సాంగ్ ని పాడగా, మహతి స్వర సాగర్ ఈ చిత్రానికి సంగీతం అందించారు. పొలిటికల్ ఎలిమెంట్స్తో పక్కా మాస్ అండ్ కమర్షియల్ ఎంటర్టైనర్గా రానున్న ఈ సినిమాని ఆదిత్య మూవీస్తో కలిసి శ్రేష్ట్ మూవీస్ నిర్మించింది.
|
|