హీరో, డైరెక్టర్ ఓకే... ప్రొడ్యూసర్, హీరోయిన్ కటౌట్లెందుకు?
cinema | Suryaa Desk | Published : Wed, Jul 20, 2022, 04:54 PM
విజయ్ దేవరకొండ కున్న ఫ్యాన్ ఫాలోయింగ్ గురించి ప్రత్యేకంగా చెప్పనవసరం లేదు. అర్జున్ రెడ్డితో యూత్ లో సూపర్ క్రేజ్ ను తెచ్చుకున్న విజయ్ నటిస్తున్న తొలి పాన్ ఇండియా చిత్రం "లైగర్". డాషింగ్ డైరెక్టర్ పూరి జగన్నాధ్ డైరెక్షన్లో పక్కా కమర్షియల్ మాస్ ఎంటర్టైనర్ గా రూపొందిన ఈ చిత్రం ఆగస్టు 25వ తేదీన పాన్ ఇండియా భాషల్లో విడుదల కాబోతుంది. ఈ నేపథ్యంలో గత కొన్ని రోజుల నుండి మేకర్స్ ప్రచార కార్యక్రమాలను చేపట్టారు.
ప్రమోషన్స్ లో భాగంగా లైగర్ మాస్ ట్రైలర్ రేపు ఉదయం తొమ్మిదిన్నర కు హైదరాబాద్ , RTS X రోడ్స్ లోని సుదర్శన్ థియేటర్లో విడుదల కానున్నది. ఈ సందర్భంగా 75 అడుగుల భారీ కటౌట్ ను, విజయ్ అభిమానులు ఏర్పాటు చేసారు. విజయ్ తో పాటు డైరెక్టర్ పూరి జగన్నాధ్ కటౌట్ ను కూడా కట్టడం విశేషం. విచిత్రమేంటంటే, వీరిద్దరి కటౌట్లతో పాటు నిర్మాతల్లో ఒకరైన కరణ్ జోహార్, హీరోయిన్ అనన్యా పాండే ల కటౌట్లను కూడా కట్టటం... అందరి దృష్టిని ఆకర్షిస్తుంది. కొత్త సినిమాలు విడుదలవుతున్నాయంటే, ధియేటర్ల బయట హీరోల కటౌట్లు కనిపించడం సాధారణమే..., కానీ సదరు ధియేటర్ నిర్మాత, హీరోయిన్ కటౌట్లను కూడా ఏర్పాటు చేసింది. దీనికి కారణం ఆ ధియేటర్ యజమాన్యానికే తెలియాలి.
|
|