భార్యతో కలిసి చైతూ గోవాలో
cinema | Suryaa Desk | Published : Fri, Nov 23, 2018, 02:34 PM
యువ కథానాయకుడు అక్కినేని నాగచైతన్య ఈరోజు తన 32వ పుట్టినరోజు జరుపుకొంటున్నారు. ఈ సందర్భంగా తన భార్య సమంతతో కలిసి చైతూ గోవాలో తన పుట్టినరోజును ఘనంగా సెలబ్రేట్ చేసుకుంటున్నారు. ఈ వేడుకలో చైతూ స్నేహితులు కూడా పాల్గొన్నట్లు తెలుస్తోంది. వేడుక సమయంలో తీసిన కొన్ని ఫొటోలు, వీడియోలను సమంత ఇన్స్టాగ్రామ్లో పంచుకున్నారు. సమంత నలుపు రంగు గౌనులో ముస్తాబయ్యారు. ఈ ఫొటోలను షేర్ చేస్తూ..‘హోం స్వీట్ హోం..’ అని క్యాప్షన్ ఇచ్చారు.
ఏడాది క్రితం సమంత, చైతూల వివాహం కూడా గోవాలోనే జరిగింది. ఇక వర్క్ విషయానికొస్తే సమంత, చైతూ పెళ్లయ్యాక తొలిసారి జంటగా నటిస్తున్నారు. ఈ చిత్రానికి ‘మజిలీ’ అనే టైటిల్ను ఖరారు చేశారు. ‘నిన్ను కోరి’ ఫేం శివ నిర్వాణ దర్శకత్వం వహిస్తున్నారు. ఇందులో సమంత, చైతూ మధ్యతరగతి భార్యభర్తలుగా నటిస్తున్నారు. సమంత రైల్వే క్లర్క్ పాత్రలో నటిస్తున్నట్లు తెలుస్తోంది. ప్రస్తుతం ఈ సినిమా చిత్రీకరణ విశాఖలోని సింహాచలం రైల్వేస్టేషన్ ప్రాంతంలో జరుగుతోంది. వచ్చే ఏడాది ఈ చిత్రాన్ని ప్రేక్షకుల ముందుకు తీసుకురానున్నారు.
|
|