రాజమౌళితో వర్క్ చెయ్యనని ఖరాఖండిగా చెప్పేస్తున్న మెగాస్టార్..!!
cinema | Suryaa Desk | Published : Sat, Oct 01, 2022, 06:07 PM
తెలుగు సినిమాను ఇంటర్నేషనల్ లెవెల్ కి తీసుకెళ్లిన క్రెడిట్ మొత్తం టాలీవుడ్ జక్కన్న రాజమౌళికే చెందుతుంది. పని రాక్షసుడిగా పేరొందిన రాజమౌళి పర్ఫెక్షన్ కోసం ఎంతటి కఠోర శ్రమైనా పడి, నటీనటుల చేత కూడా పడేలా చేసి అద్భుతమైన ఔట్ పుట్ తీసుకొచ్చి, ప్రేక్షకులను విశేషంగా అలరించడంలో మహాదిట్ట.
ఇంతటి ప్రతిభావంతుడైన రాజమౌళి డైరెక్షన్లో పని చెయ్యాలని ఎవరికుండదు చెప్పండి కానీ, మెగాస్టార్ చిరంజీవి గారికి మాత్రం లేదంట. జక్కన్న డైరెక్షన్లో తాను సినిమా చేసే అవకాశమే లేదని ఖరాఖండిగా చెప్పేస్తున్నారు. ఇందుకు చిరు సాలిడ్ రీజన్ కూడా ఇస్తున్నారు. అదేంటంటే, జక్కన్న ఒక్కో సినిమాకు 3-5 ఏళ్ళ సమయం తీసుకుంటారు. అటు చిరు ఏమో ఒకేసారి నాలుగు సినిమాల షూటింగులను కానిచ్చేస్తున్నారు. ఈ వయసులో తాను అంతటి సుదీర్ఘ సమయాన్ని వెచ్చించలేనని, అదీకాక రాజమౌళికి కావలసిన ఔట్ పుట్ తాను ఇవ్వగలనో లేదో అని అదికూడా కాక ఈ వయసులో తనకు పాన్ ఇండియా స్టార్ గా పేరు తెచ్చుకోవాలన్న ఆశ ఏమాత్రం లేదని చిరు పేర్కొన్నారు.
|
|