నెట్‌ఫ్లిక్స్‌లో మరో సంచలన రికార్డ్‌ను క్రియేట్ చేసిన 'RRR'
cinema | Suryaa Desk | Published : Thu, Oct 06, 2022, 07:23 PM
SS రాజమౌళి డైరెక్షన్ లో టాలీవుడ్ స్టార్ హీరోస్ రామ్ చరణ్, జూనియర్ ఎన్టీఆర్ నటించిన 'RRR' ప్రపంచవ్యాప్తంగా థియేటర్లలో విడుదలైంది. ఈ మూవీ అన్ని చోట్ల సాలిడ్ కలెక్షన్స్ ని రాబటింది. RRR ప్రపంచవ్యాప్తంగా 1200 కోట్లకు పైగా వసూలు చేసింది. ఈ చిత్రం నెట్‌ఫ్లిక్స్‌లో మే 20, 2022న విడుదలైన సంగతి తెలిసిందే. ఈ చిత్రం నెట్‌ఫ్లిక్స్‌లో ఇంగ్లీష్ మరియు నాన్-ఇంగ్లీష్ కేటగిరీలు రెండింటిలోనూ వరుసగా 14 వారాల పాటు ట్రెండ్ అయిన ఏకైక చిత్రంగా రికార్డు ని సృష్టించింది.
తాజా అప్డేట్ ప్రకారం, ఈ సినిమా USAలోని TCL చైనీస్ థియేటర్‌లో ప్రత్యేక ప్రదర్శన తర్వాత 19వ వారంలో (నాన్-ఇంగ్లీష్ కేటగిరీలో) OTT ప్లాట్‌ఫారమ్‌లో మళ్లీ ట్రెండింగ్‌లో ఉంది. అంతేకాకుండా సెప్టెంబర్ 26 - అక్టోబర్ 2, 2022 మధ్య ఈ సినిమా 1.19 మిలియన్ గంటల పాటు వీక్షించబడింది.
ఈ యాక్షన్ డ్రామా మూవీలో అలియా భట్,సముద్రఖని, అజయ్ దేవగన్, శ్రియా శరణ్, ఒలివియా మోరిస్ ముఖ్య పాత్రలు పోషిస్తున్నారు. ఈ చిత్రాన్ని డివివి దానయ్య భారీ స్థాయిలో నిర్మించారు. ఈ చిత్రానికి ఎంఎం కీరవాణి సంగీతం అందించారు.
|
|