ట్రెండింగ్
రవితేజ "ధమాకా" హిందీలో కూడానా..??
cinema | Suryaa Desk | Published : Fri, Oct 14, 2022, 04:07 PM
మాస్ రాజా రవితేజ నుండి ఖిలాడీ, రామారావు ఆన్ డ్యూటీ లాంటి బ్యాక్ టు బ్యాక్ డిజాస్టర్లు వచ్చిన సంగతి తెలిసిందే. అయినా కానీ, ఆయన కొత్త చిత్రం "ధమాకా"పై అభిమానుల్లో చాలా మంచి అంచనాలున్నాయి. రవితేజ మార్క్ కామెడీ, యాక్షన్ అండ్ ఎంటర్టైన్మెంట్ ఈ సినిమాలో పుష్కలంగా ఉండనున్నాయని వినికిడి.
ఇటీవలే షూటింగ్ పూర్తి చేసుకుని ప్రస్తుతం పోస్ట్ ప్రొడక్షన్ పనులను జరుపుకుంటున్న ఈ సినిమా తాజాగా హిందీలో కూడా రిలీజ్ కాబోతుందని తెలుస్తుంది. ఈ మేరకు జింతాక్ లిరికల్ వీడియో హిందీలో విడుదలైంది. తెలుగు శ్రోతలను ఒక ఊపు ఊపేస్తున్న ఈ పాట హిందీ ఆడియన్స్ ను ఏమేరకు అలరిస్తుందో చూడాలి.
పోతే, అక్టోబర్ 21వ తేదీన ధమాకా నుండి మాంఛి మాస్ క్రాకర్ ఒకటి రాబోతుంది. నక్కిన త్రినాథరావు డైరెక్షన్ లో రవితేజ హీరోగా నటిస్తున్న ఈ సినిమాలో యంగ్ బ్యూటీ శ్రీలీల హీరోయిన్ గా నటిస్తుంది.
|
|