సాయి ధరమ్ తేజ్ ఆసక్తికరమైన పోస్టర్ విడుదల చేసిన 'SDT15' టీమ్
cinema | Suryaa Desk | Published : Sat, Oct 15, 2022, 07:41 PM
కార్తీక్ వర్మ దర్శకత్వంలో సుప్రీమ్ హీరో సాయిధరమ్ తేజ్ ఒక ప్రాజెక్ట్ ని అధికారకంగా ప్రకటించిన సంగతి అందరికి తెలిసిందే. స్టార్ డైరెక్టర్ సుకుమార్ ఈ చిత్రానికి కథ, స్క్రీన్ ప్లే అందిస్తున్నారు. తాజాగా ఈరోజు సుప్రీమ్ హీరో ధరమ్ తేజ్ పుట్టినరోజు సందర్భంగా, మూవీ మేకర్స్ ఈ చిత్రం నుండి సాయి ధరమ్ తేజ్ యొక్క ఆసక్తికరమైన పోస్టర్ను విడుదల చేశారు. పోస్టర్ చాలా ఆసక్తికరంగా కనిపిస్తూ అందరిని ఆకట్టుకుంటుంది. త్వరలోనే స్నీక్ పీక్ తో టైటిల్ రివీల్ చేస్తారని కూడా మూవీ మేకర్స్ వెల్లడించారు.
సాయిధరమ్ తేజ్ ఈ సినిమాలో ఆంధ్రాలోని మారుమూల గ్రామానికి వచ్చే ఇంజనీర్గా ఆ గ్రామంలో జరిగిన అనుమానాస్పద మరణాల వెనుక కథను తెలుసుకోవడానికి వచ్చిన ఇంజనీర్గా కనిపించనున్నారు అని లేటెస్ట్ టాక్. భీమ్లా నాయక్ ఫేమ్ సంయుక్త మీనన్ ఈ సినిమాలో సాయి ధరమ్ తేజ్ సరసన రొమాన్స్ చేయనుంది. ఈ చిత్రంలో బ్రహ్మాజీ, అజయ్, సునీల్ తదితరులు ముఖ్య పాత్రలు పోషిస్తున్నారు. శ్రీ వెంకటేశ్వర సినీ చిత్ర, సుకుమార్ రైటింగ్స్ సంయుక్తంగా ఈ సినిమాని నిర్మిస్తున్నాయి.
|
|