త్వరలోనే హన్సిక పెళ్లి బాజాలు మోగనున్నాయా ..??
cinema | Suryaa Desk | Published : Tue, Oct 18, 2022, 02:40 PM
హన్సిక.. ఈమె అందానికి ముగ్ధులవని వారుండరు. అందం, అభినయంతో ప్రేక్షకులను అలరించడమే కాక కళావతి, చంద్రకళ వంటి హారర్ సినిమాలతో భయపెట్టి వారి విశేష ఆదరణకు నోచుకుంది.
అల్లు అర్జున్ నటించిన "దేశముదురు" తో హీరోయిన్ గా ఇండస్ట్రీ కి ఎంట్రీ ఇచ్చిన హన్సిక మోత్వానీ, తదుపరి కంత్రి, మస్కా, బిల్లా, కందిరీగ, ఓహ్ మై ఫ్రెండ్ వంటి తెలుగు సినిమాలలో నటించి, ఆపై కోలీవుడ్ లో స్టార్ హీరోయిన్ గా ఎదిగింది. వుమెన్ సెంట్రిక్ సినిమాలకు ప్రస్తుతం కేరాఫ్ అడ్రెస్ గా ఉంది హన్సిక.
తాజాగా హన్సిక పెళ్లి వార్తల గురించి ఇండస్ట్రీలో జోరుగా ప్రచారం జరుగుతుంది. త్వరలోనే హన్సిక రాజస్థాన్ కి చెందిన బిజినెస్ మ్యాన్ తో కొత్త జీవితం ఆరభించబోతుందని, ఇప్పటికే ఆమె తల్లితండ్రులు పెళ్లి పనులు కూడా మొదలెట్టేశారని, ఈ మేరకు జైపూర్ లోని ముందోట ఫోర్ట్ అండ్ ప్యాలస్ ను హన్సిక వివాహ నిమిత్తం ఆమె కుటుంబసభ్యులు ముందుగానే బుక్ చేసుకున్నారని ...ఇలాంటి పలు రకాల వార్తలైతే మీడియాలో హల్చల్ చేస్తున్నాయి..., కానీ హన్సిక నుండి ఎలాంటి సమాధానం వస్తుందా అని అందరూ ఆసక్తిగా ఎదురుచూస్తున్నారు.
|
|