OTTలో 'స్వాతిముత్యం' ఎంట్రీ ఎప్పుడంటే......
cinema | Suryaa Desk | Published : Wed, Oct 19, 2022, 05:31 PM
లక్ష్మణ్ కె కృష్ణ దర్శకత్వంలో బెల్లంకొండ సాయి శ్రీనివాస్ తమ్ముడు మరియు నిర్మాత బెల్లంకొండ సురేష్ తనయుడు బెల్లంకొండ గణేష్ 'స్వాతిముత్యం' సినిమాతో టాలీవుడ్ లోకి హీరోగా ఎంట్రీ ఇచ్చిన సంగతి అందరికి తెలిసిందే. ఈ అవుట్ అండ్ అవుట్ ఫ్యామిలీ ఎంటర్టైనర్ సినిమా అక్టోబర్ 5, 2022న దసరా సందర్భంగా ప్రపంచవ్యాప్తంగా ప్రేక్షకుల ముందుకు వచ్చింది.
ఇప్పుడు ఈ సినిమా డిజిటల్ ప్రేక్షకులను పలకరించడానికి సిద్ధంగా ఉంది. ఈ సినిమా డిజిటల్ స్ట్రీమింగ్ రైట్స్ ని ప్రముఖ స్ట్రీమింగ్ ప్లాటుఫామ్ ఆహా సొంతం చేసుకున్న సంగతి తెలిసిందే. ఈ చిత్రాన్ని ఈ నెల 28న విడుదల చేయనున్నట్టు OTT ప్లాటుఫామ్ ప్రకటించింది.
ఈ చిత్రంలో బెల్లంకొండ గణేష్ సరసన వర్ష బొల్లమ్మ కథానాయికగా కనిపించనుంది. ఈ సినిమాలో వెన్నెల కిషోర్, రావు రమేష్, సుబ్బరాజు, హర్షవర్ధన్, గోపరాజు రమణ, ప్రగతి తదితరులు ముఖ్యపాత్రల్లో నటిస్తున్నారు. సితార ఎంటర్టైన్మెంట్స్ పతాకంపై సూర్యదేవర నాగవంశీ ఈ సినిమాని నిర్మిస్తున్నారు.
|
|