విజయ్ 'లియో' లో మాలీవుడ్ నటుడు
cinema | Suryaa Desk | Published : Thu, Apr 13, 2023, 07:06 PM
కోలీవుడ్ స్టార్ డైరెక్టర్ లోకేష్ కానగరాజ్ తన తదుపరి సినిమాని తలపతి విజయ్ తో చేస్తున్న సంగతి తెలిసిందే. ఈ చిత్రానికి 'లియో' అనే టైటిల్ ని మూవీ మేకర్స్ లాక్ చేసారు. విజయ్ సరసన ఈ సినిమాలో త్రిష జోడిగా నటిస్తుంది. లియో అక్టోబర్ 19, 2023న సినిమా థియేటర్స్ లో విడుదల కానుంది.
తాజాగా, ఈ సినిమాలో మాలీవుడ్ నటుడు జోజు జార్జ్ కూడా కీలక పాత్రను పోషిస్తున్నట్లు సమాచారం. జోజు జార్జ్ 2021లో ధనుష్ యొక్క జగమే తంధిరమ్‌తో తమిళ చిత్రసీమలోకి అడుగుపెట్టాడు. అతను 2022 తమిళ చిత్రం బఫూన్‌లో కీలక పాత్ర పోషించాడు. లేటెస్ట్ అప్‌డేట్‌ ప్రకారం, జోజు జార్జ్ ఇప్పటికే చెన్నైషెడ్యూల్ లో జాయిన్ కాగా మరియు విజయ్‌తో పాటు కొన్ని కీలకమైన సన్నివేశాలను చిత్రీకరించారు.
ఈ చిత్రంలో ప్రియా ఆనంద్, సంజయ్ దత్, గౌతమ్ వాసుదేవ్ మీనన్, మిస్కిన్, యాక్షన్ కింగ్ అర్జున్, మాథ్యూ థామస్, మన్సూర్ అలీ ఖాన్ మరియు డ్యాన్స్ మాస్టర్ శాండీ కీలక పాత్రలలో కనిపించనున్నారు. ఈ చిత్రానికి అనిరుధ్ సంగీతం అందించనున్నారు. ఈ చిత్రాన్ని సెవెన్ స్క్రీన్ స్టూడియో భారీ స్థాయిలో నిర్మించనుంది.
|
|