శ్రీదేవి చీర రూ.1.30 లక్షలు
cinema | Suryaa Desk | Published : Wed, Feb 27, 2019, 01:01 AM
కొందరు మరణించినా ప్రజల గుండెల్లో చిరస్థాయిగా బతికేవుంటారు అనడానికి అతిలోక సుందరి శ్రీదేవియే ఉదాహరణ. ఆమె మరణించి ఏడాది పూర్తయింది. ఆమె జ్ఞాపకాలు ఇప్పటికీ అభిమానులను వెంటాడుతూనే వున్నాయి. ఆమె సినిమాలను మార్చి మార్చి చూసే అభిమానులు కోకొల్లలు. అయితే శ్రీదేవి మరణించి ఏడాది పూర్తయిన సందర్భంగా ఆమె ధరించిన ఖరీదైన చీరలను వేలం వేయడానికి నిర్ణయించారు ఆమె కుటుంబ సభ్యులు.
ఆ వేలంలో వచ్చిన డబ్బును స్వచ్ఛంద సేవా సంస్థలకు అందించాలని భావించారు. అలా సోషల్ మీడియాలో శ్రీదేవి ధరించిన ఒక చీరను వేలానికి పెట్టారు. ఆ చీరకు ముందుగా రూ. 40 వేలను నిర్ణయించారు. అది ఆన్లైన్ వేలంలో రూ. 1.30 లక్షల ధర పలికింది. ఈ మొత్తాన్ని శ్రీదేవి భర్త బోనీకపూర్ కన్సర్న్ ఇండియా ఫౌండేషన్ అనే స్వచ్ఛంద సేవా సంస్థకు అందించనున్నట్లు సమాచారం. ఇంకా ఆమె ధరించిన ఖరీదైన చీరలను వేలానికి పెడతామన్నారు బోనీ. ఆ వచ్చిన డబ్బులతో ఆసరా లేని మహిళలు, అనాథ బాలలు, వృద్ధుల సంక్షేమానికి ఉపయోగిస్తామని వెల్లడించారు.
|
|