తెలంగాణ పోలీస్శాఖలో తీవ్ర విషాదం.. గుండెపోటుతో సీనియర్ ఐపీఎస్ ఆఫీసర్ కన్నుమూత
Telangana Telugu | Suryaa Desk | Published : Tue, Apr 09, 2024, 06:06 PM
ఉగాది పర్వదినాన తెలంగాణ పోలీసు శాఖలో తీవ్ర విషాదం నెలకొంది. సీనియర్ ఐపీఎస్ అధికారి రాజీవ్ రతన్ ఆకస్మికంగా కన్నుమూశారు. గుండెపోటుతో ఇవాళ ఉదయం ఆయన మృతి చెందారు. తెల్లవారుజామున ఛాతినొప్పి రావడంతో కుటుంబ సభ్యులు ఆయన్ను ఏఐజీ హాస్పిటల్కు తరలించారు. అక్కడ చికిత్స పొందుతూ కాసేపటి క్రితం ఆయన కన్నుమూశారు. రాజీవ్ రతన్ ప్రస్తుతం విజిలెన్స్ డీజీగా విధులు నిర్వహిస్తున్నారు. 1991 ఐపీఎస్ బ్యాచ్కి చెందిన రాజీవ్ రతన్... కిందటి ఏడాది మహేందర్రెడ్డి డీజీపీగా పదవీ విరమణ చేసిన టైంలో.. కొత్త పోలీస్ బాస్ రేసులో కూడా నిలిచారు. రేవంత్ ప్రభుత్వం ఏర్పడిన తర్వాత కూడా ఆయన పేరు వినిపించింది. గతంలో ఆయన కరీంనగర్ ఎస్పీగా, ఆపరేషన్ ఐజీగా, పోలీస్ హౌసింగ్ కార్పొరేషన్ చైర్మన్గా వివిధ హోదాల్లో పని చేశారు. ఆయన ఆక్మసిక మృతిపట్ల పలువురు సంతాపం వ్యక్తం చేస్తున్నారు. రాష్ట్రానికి ఆయన చేసిన సేవలను స్మరించుకుంటున్నారు.
|
|