మాజీ మంత్రి తలసాని ఇంట విషాదం.. సోదరుడు కన్నుమూత, కేసీఆర్ సంతాపం
Telangana Telugu | Suryaa Desk | Published : Mon, Jun 10, 2024, 07:54 PM
మాజీ మంత్రి, బీఆర్ఎస్ ఎమ్మెల్యే తలసాని శ్రీనివాస్ యాదవ్ ఇంట తీవ్ర విషాదం చోటు చేసుకుంది. ఆయన సోదురుడు తలసాని శంకర్ యాదవ్ కన్నుమూశారు. గత కొద్దిరోజులుగా అనారోగ్యంతో బాధపడుతున్న శంకర్ యాదవ్.. ఇవాళ తుదిశ్వాస విడిచారు. సికింద్రాబాద్ యశోద హాస్పిటల్లో చికిత్స పొందుతూ తెల్లవారుజామున కన్నుమూశారు. మోండా మార్కెట్ వ్యాపారుల సంఘం అధ్యక్షుడిగా ఉన్న శంకర్ యాదవ్.. గతంలో బోయిన్పల్లి మార్కెట్ అధ్యక్షుడిగా పని చేశారు.
శంకర్ యావద్ అకాల మృతితో తలసాని శ్రీనివాస్ యాదవ్ ఇంట విషాద ఛాయలు అలుముకున్నాయి. పార్టీ నేతలు, కార్యకర్తలు, బంధు, మిత్రులు ఆయనకు సంతాపం తెలుపుతున్నారు. శంకర్ యాదవ్ మరణం పట్ల బీఆర్ఎస్ అధినేత, మాజీ సీఎం కేసీఆర్ సైతం సంతాపం ప్రకటించారు. వారి కుటుంబ సభ్యులకు కేసీఆర్ తన ప్రగాఢ సానుభూతిని తెలియజేశారు. కష్టకాలంలో భగవంతుడు వారికి ధైర్యాన్ని ఇవ్వాలని ప్రార్థించారు.
|
|