కబ్జాకోరల నుండి తమ్మిడి చెరువును కాపాడండి..
Telangana Telugu | Suryaa Desk | Published : Wed, Aug 21, 2024, 03:42 PM
కబ్జా కోరలనుండి తమ్మిడి చెరువు ను కాపాడాలని కోరుతూ ‘హైడ్రా’ కమీషనర్ రంగనాథ్ ను ‘జనం కోసం’ అధ్యక్షుడు, బిజెపి రాష్ట్ర నాయకుడు కసిరెడ్డి భాస్కరరెడ్డి మంగళవారం కలిసి పిర్యాదు చేశారు. శేరిలింగంపల్లి ప్రాంతంలోని హైటెక్ సిటీ వద్ద యన్ కన్వెన్షన్ పేరుతో అక్కినేని నాగార్జున కబ్జా చేసిన ‘తమ్మిడి చెరువు’ వివరాలను, పూర్తి విస్తీర్ణం, ఎఫ్.టీ.ఎల్. బఫర్ జోన్ మ్యాపులతో సహా నాగార్జున కబ్జా చేసిన చెరువు 3 ఎకరాల 30 గుంటల వివరాలను ఆధారాలతో ఫిర్యాదు చేసినట్లు తెలిపారు.
ఈ సందర్భంగా చెరువులను కాపాడడం చాలా గొప్ప విషయమని, గత 10 సంవత్సరాల్లో చెరువులు నాశనమయ్యాయని కమిషనర్ దృష్టికి తీసుకువెళ్లగా చెరువుల రక్షణలో ‘జనం కోసం’ సహకారం తీసుకుంటామని, ఆక్రమణలు ఉన్నచోట కఠిన చర్యలు కూడా ఉంటాయని సానుకూలంగా స్పందించినట్లు కసిరెడ్డి చెప్పారు.‘తమ్మిడి చెరువు’ పూర్తి విస్తీర్ణం 29 ఎకరాల 24 గుంటలతో పాటు కబ్జా జరిగిన చెరువును పూర్తి స్థాయిలో పుణరుద్ధరించి చెరువును అభివృద్ధి చేయాలని ‘హైడ్రా’ కమీషనర్ ను కోరినట్లు తెలిపారు.
|
|