మోడల్ స్కూల్ ఉపాధ్యాయుల సమస్యలు పట్టించుకోని ప్రభుత్వం
Telangana Telugu | Suryaa Desk | Published : Fri, Dec 13, 2024, 04:59 PM
గత దశాబ్ద కాలంగా అపరిష్కృతంగా ఉన్న మోడల్ స్కూల్ ఉపాధ్యాయుల సమస్యలను పరిష్కరించాలని పి ఎం టి ఏ టి -ఎస్ రాష్ట్ర సంఘం దశలవారీగా నిరసన కార్యక్రమాలు తెలపాలని ఇచ్చిన పిలుపుమేరకు మొదటి రోజు కార్యక్రమం లొ భాగంగా తెలంగాణ మోడల్ స్కూల్ తిప్పర్తి ఉపాధ్యాయ బృందము గురువారం నల్ల బ్యాడ్జీలు ధరించి, భోజన విరామ సమయంలో నిరసన తెలుపునైనది. గౌరవ ముఖ్య మంత్రి గారు సానుకూలంగా స్పందించి మోడల్ స్కూల్ లను విద్యాశాఖలో విలీనం చేసి 010 పద్దు కింద వేతనాలు చెల్లించాలని, ఒకే నోటిఫికేషన్ కింద ఎన్నిక కాబడి, తగిన మెరిట్ అర్హత ఉన్నప్పట్టికీ అడ్మినిస్ట్రేటివ్ కారణాల వల్ల దశల వారీగా నియామకాలు చేపట్టడం వల్ల జరిగిన నష్టాన్ని నోషనల్ సర్విస్ కల్పించుట ద్వార న్యాయం చేయాలని , చనిపోయిన ఉపాద్యాయ కుటుంబాలకు కారుణ్య నియామకాలు చేపట్టాలని, ప్రమోషన్లు చేపట్టాలని కోరారు.
ఈ సమస్యలు దశాబ్ద కాలంగా పరిష్కారం కానందున నేడు ప్రజపాలనలో పరిష్కారం కోసం మోడల్ స్కూల్ ఉపాధ్యాయులు ఎదురు చూస్తున్నారు. ప్రభుత్వం దృష్టికి తీసుకొని వెళ్ళి సానుకూల పరిష్కారం లభించే వరకు పి ఎం టి ఏ -టి ఎస్ సంఘం ప్రకటించిన నిరసన కార్యక్రమాలు రాష్ట్ర వ్యాప్తంగా కొనసాగుతాయని పత్రికా ముఖంగా తెలపడం జరుగుతుంది. ఈ కార్యక్రమంలో ప్రిన్సిపల్ ఏ అపర్ణ, ఉపాధ్యాయులు లావణ్య ,హజరత్ బీ,మీనా కుమారి ,మాయ భార్గవి ,లక్ష్మీ ప్రసన్న ,సరిత ,సత్తయ్య ,అనిల్ కుమార్, రమేష్ ,రవీందర్ ,రమేష్ కుమార్, నరేందర్ బాబు ,ఆసిఫ్ తేజ వర్మ ,నరసింహ తదితరులు పాల్గొన్నారు.
|
|