దుద్దాగులో ఘనంగా సెమీ క్రిస్మస్ వేడుకలు
Telangana Telugu | Suryaa Desk | Published : Wed, Dec 18, 2024, 03:49 PM
చేవెళ్ల మండల పరిధిలోని దుద్దాగు గ్రామంలో పాస్టర్లు తిమోతి, హానోక్, హిమనేయులు, కిషన్ ల ఆధ్వర్యంలో గ్రామంలోని చర్చిలో మంగళవారం సెమీ క్రిస్మస్ వేడుకలు ఘనంగా నిర్వహించారు. ఈ వేడుకల నేపథ్యంలో చర్చిని శోభాయమానంగా అలంకరించారు. ఈ వేడుకల్లో పాల్గొన్న ఆర్ఎంపీ డాక్టర్ వినయ్ కుమార్ పేదలకు కొత్త బట్టలు, బెడ్ షీట్స్ పంపిణీ చేశారు. ఈ సందర్భంగా వినయ్ కుమార్ మాట్లాడుతూ.. కుల మతాలకు అతీతంగా ఘనంగా చేసుకునే పండుగ క్రిస్మస్ అని తెలిపారు. సర్వ మానవాళి సుఖ సంతోషాలతో ఉండాలని, ఆ దేవుని ప్రార్థిస్తున్నానని అని తెలిపారు.
ఏసుక్రీస్తు జన్మదినం అతి పెద్ద పండుగ అని తెలిపారు. క్రీస్తు ఆశీస్సులు అందరికీ ఉండాలని కోరుకుంటున్నట్లు చెప్పారు. పాస్టర్లు నిర్వహించిన వేడుకల్లో క్రైస్తవులు పెద్దసంఖ్యలో పాల్గొన్నారు. ఏసుక్రీస్తును ఆరాధిస్తూ ప్రార్థనలు, భజనలు, గీతాలాపనలు చేశారు. క్రిస్మస్ కేక్ను కట్ చేసి పంచిపెట్టారు. ఈ కార్యక్రమంలో సింగర్ పూజిత, క్రైస్తవ భక్తులు నర్సిములు, రత్నమయ్య, రాజయ్య తదితరులు పాల్గొన్నారు.
|
|