100 సంవత్సరాల ఉద్యమ పార్టీగా సీపీఐ ఖ్యాతి పొందింది

దేశంలో 100 సంవత్సరాల ఉద్యమ పార్టీగా సీపీఐ ఖ్యాతి పొందిందని ఆ పార్టీ జిల్లా కార్యదర్శి పాలమాకుల జంగయ్య అన్నారు. మంగళవారం కందవాడ గ్రామంలో ఏఐటీయుసీ జిల్లా కార్యదర్శి వడ్ల సత్యనారాయణ ఆధ్వర్యంలో సీపీఐ సభ్యత్వ కార్యక్రమాన్ని ప్రారంభించారు. ఈ కార్యక్రమానికి ముఖ్యఅతిథిగా సీపీఐ జిల్లా కార్యదర్శి పాలమాకుల జంగయ్య హాజరై సీపీఐ జెండాను ఎగురవేసి కార్యకర్తలను ఉద్దేశించి మాట్లాడారు. 1925 డిసెంబర్ 26 న భారతదేశంలోని కాన్పూర్ పట్టణంలో ఆవిర్భవించిన సీపీఐ పార్టీ 2024  డిసెంబర్ 26 నాటికి 99 సంవత్సరాలు పూర్తి చేసుకుని 100 సంవత్సరాలలోకి అడుగుపెట్టడం కమ్యూనిస్టుల గొప్పతనాన్ని చాటుకుంటుందని అన్నారు. దేశంలో 100 సంవత్సరాలు చరిత్ర కలిగిన పార్టీ ఏదైనా ఉంది అంటే అది కేవలం సీపీఐ పార్టీనేనని కొనియాడారు. 99 సంవత్సరాలుగా ప్రజల పక్షాన ఉండి ప్రభుత్వాలకు వ్యతిరేకంగా పోరాడుతున్న ఏకైక పార్టీ కమ్యూనిస్టు పార్టీ సీపీఐ అని తెలిపారు. అధికారంలో ఉన్న లేకపోయినా నిరంతరం పేదల పక్షాన పోరాడే కమ్యూనిస్టు పార్టీని ప్రజలు ఆదరించి, కమ్యూనిస్టు పార్టీని అభివృద్ధి చేసుకోవలసిన బాధ్యత ప్రజలందరి పైన ఉందన్నారు. అందుచేత సీపీఐ పార్టీ సభ్యత్వాన్ని పెంచి కమ్యూనిస్టుల గొప్పతనాన్ని చాటాలని కోరారు.

ఈ కార్యక్రమంలో సీపీఐ రాష్ట్ర కౌన్సిల్ సభ్యుడు కే రామస్వామి, బికేఎంయు జిల్లా అధ్యక్షుడు జే అంజయ్య, చేవెళ్ల మండల సీపీఐ కార్యదర్శి ఎం సత్తిరెడ్డి, మొయినాబాద్ మండల పార్టీ కార్యదర్శి కే శ్రీనివాస్, పార్టీ సీనియర్ నాయకులు వెంకటయ్య, మహిళా సమైక్య జిల్లా వర్కింగ్ ప్రెసిడెంట్ వడ్ల మంజుల, ఆశా వర్కర్లు పద్మ, మీనాక్షి, కందవాడ గ్రామ కార్యదర్శి బండ ఎలీషా, సహాయ కార్యదర్శి ఎర్ర బీరప్ప, నాయకులు ఎర్ర యాదయ్య, ఎర్ర గోపాల్, పార్టీ కార్యకర్తలు రాయిని యాదమ్మ, పద్మ, సత్తయ్య, పెంటయ్య, కారుకొండ యాదమ్మ, కారుకొండ సత్తయ్య, సుధాకర్ గౌడ్, బేగరి బుచ్చయ్య, బేగరి రామచంద్రయ్య, లలిత,  వెంకటమ్మ, శ్రీకాంత్ తదితరులు పాల్గొన్నారు.