ట్రెండింగ్
మేడారంలో సమ్మక్క - సారక్క వన దేవతలను దర్శించుకుని మొక్కులు చెల్లించిన మంత్రి సీతక్క
Telangana Telugu | Suryaa Desk | Published : Thu, Feb 13, 2025, 12:31 PM
ములుగు జిల్లాలో మినీ మేడారం జాతర ఘనంగా జరుగుతోంది. ఈ సందర్భంగా వనదేవతలు సమ్మక్క సారలమ్మలను రాష్ట్ర పంచాయతీరాజ్ శాఖ మంత్రి సీతక్క ఈరోజు దర్శించుకున్నారు. అమ్మవార్లకు ప్రత్యేక పూజలు నిర్వహించారు. తీర్థ ప్రసాదాలను స్వీకరించారు. ఈ జాతర ఈ నెల 15 వరకు జరుగుతుంది. కాగా, ప్రతి రెండేళ్లకోసారి మేడారం జాతర జరగనున్న విషయం తెలిసిందే.బుధవారం రాత్రి పూజారులు సమ్మక్క పూజ మందిరం నుంచి పసుపు, కుంకుమ, నైవేధ్యం తీసుకువచ్చి సమ్మక్క-సారలమ్మ గద్దెల వద్ద సమర్పించారు.డోలు వాయిద్యాలు, కొమ్ము శబ్దాల నడుమ మహిళలు నీళ్లు ఆరబోస్తుండగా వడ్డెలు (పూజారులు) గద్దెల వద్దకు చేరుకొని జాగారం చేశారు.మండమెలిగె పండుగ సందర్భంగా తల్లుల గద్దెలను దర్శించుకొని భక్తులు మొక్కులు చెల్లించుకున్నారు.
|
|