ట్రెండింగ్
హాస్టల్ లో విద్యార్ది అనుమానాస్పద మృతి
Telangana Telugu | Suryaa Desk | Published : Thu, Feb 13, 2025, 12:47 PM
కుల్కచర్ల మండల కేంద్రంలోని గిరిజన బాలుర వసతి గృహంలో పదో తరగతి విద్యార్థి అనుమానాస్పద స్థితిలో మృతి చెందాడు. నిన్న రాత్రి నిద్రపోయిన విద్యార్థి ఉదయం లేవకపోవడంతో స్పందించిన సిబ్బంది పరిగి ప్రభుత్వ ఆస్పత్రికి తరలించారు.అక్కడ పరీక్షించిన వైద్యులు.. కొన్ని గంటల ముందే విద్యార్థి మృతి చెందినట్టు నిర్దరించారు. విద్యార్థి మృతికి కారణాలు తెలియరాలేదు. అయితే, వసతి గృహంలో ఎలాంటి గొడవలు జరగలేదని తోటి విద్యార్థులు పేర్కొన్నారు. పరిగి ఆస్పత్రికి చేరుకున్న జిల్లా ట్రైబల్ డెవలప్మెంట్ అధికారి కమలాకర్ రెడ్డి.. పరిస్థితిపై ఆరా తీశారు. తమ కుమారుడి మృతికి కారణాలు తెలపాలంటూ పరిగి ప్రభుత్వ ఆస్పత్రి వద్ద కుటుంబ సభ్యులు ఆందోళనకు దిగారు.
|
|