Sarpanch Eligibility: గ్రామ సర్పంచ్‌గా పోటీ చేయాలి అనుకుంటున్నారా? ఉండాల్సిన అర్హతలు ఇవే..

తెలంగాణ రాష్ట్ర ఎన్నికల కమిషన్‌ (EC) తాజాగా స్థానిక సంస్థల ఎన్నికల షెడ్యూల్‌ను విడుదల చేసింది. రాష్ట్ర ఎన్నికల కమిషనర్ ఐ. రాణీకుముది సోమవారం ఈ షెడ్యూల్‌ను ప్రకటించారు.ఈసారి మొత్తం ఐదు దశల్లో ఎన్నికలు జరగనున్నాయి.మండల, జిల్లా పరిషత్‌ల తొలి విడత ఎన్నికలు అక్టోబర్ 23న,రెండో విడత అక్టోబర్ 27న జరుగుతాయి.గ్రామ పంచాయతీ ఎన్నికలు
మొదటి దశ – అక్టోబర్ 31
రెండో దశ – నవంబర్ 4
మూడో దశ – నవంబర్ 8న జరుగుతాయి.
ఈ సారి యువతలో సర్పంచ్ పదవి పై ఆసక్తి పెరిగింది. అయితే, సర్పంచ్‌గా పోటీ చేయాలంటే ఏయే అర్హతలు అవసరమో తెలుసుకోవాలి.
*సర్పంచ్‌గా పోటీ చేయాలంటే ఉండాల్సిన అర్హతలు:
-అభ్యర్థి అందే గ్రామ పంచాయతీ పరిధిలో స్థానికుడిగా ఉండాలి.
-వారి పేరు ఆ గ్రామ పంచాయతీ ఓటరు లిస్ట్‌లో తప్పనిసరిగా ఉండాలి.
-నామినేషన్ వేయే సమయానికి అభ్యర్థి వయస్సు కనీసం 21 సంవత్సరాలు నిండి ఉండాలి.
-ఎస్సీ, ఎస్టీ, బీసీ అభ్యర్థులు జనరల్ కేటగిరీలో కూడా పోటీ చేయొచ్చు.
-మహిళలు రిజర్వ్ చేయబడిన స్థానాలతో పాటు, తాము చెందిన కేటగిరీలో జనరల్ స్థానాల్లో కూడా పోటీ చేసేందుకు అర్హులు.
* అనర్హతలుగా పరిగణించే పరిస్థితులు:
-గ్రామ సేవకులు, కేంద్ర/రాష్ట్ర ప్రభుత్వ ఉద్యోగులు, స్థానిక సంస్థల అడ్డగోలు ఉద్యోగులు — పోటీ చేయలేరు.
-చట్టపరంగా ఏర్పాటు చేసిన ఏదైనా సంస్థలో ఉద్యోగం చేసే వారు అనర్హులు.
-నేరం చేసి శిక్ష అనుభవించిన వారు, అలాగే శిక్ష పూర్తయ్యి 5 సంవత్సరాలు గడవని వారు కూడా పోటీ చేయలేరు.
-మతిస్థిమితం లేని వారు, అలాగే బధిరులు మరియు మూగవారు కూడా అర్హులే కాదు.
-పౌరహక్కుల పరిరక్షణ చట్టం, 1955 కింద శిక్షపడిన వారు పోటీ చేయలేరు.
-దివాళా ప్రకటించిన వ్యక్తులు, లేదా రుణమాఫీ పొందని దివాళాదారులు అనర్హులు.
-గ్రామ పంచాయతీకి బకాయిలు ఉన్నవారు, ప్రభుత్వం నోటీసులు ఇచ్చిన తర్వాత కూడా చెల్లించని వారు పోటీ చేయలేరు.
-ఇద్దరి కంటే ఎక్కువ పిల్లలు ఉన్నవారు కూడా సర్పంచ్ పదవికి అర్హులే కాదు.
ప్రభుత్వ లేదా పంచాయతీ ఉద్యోగిగా ఉండి, అవినీతి లేదా విశ్వాస ఘాతుకం కారణంగా తొలగింపుకు గురైనవారు – ఆ రోజు నుంచి 5 సంవత్సరాల పాటు పోటీ చేయలేరు.గ్రామ పంచాయతీ లేదా ప్రభుత్వ పనుల కోసం కాంట్రాక్టులు/ఒప్పందాలు చేసిన వారు కూడా పోటీ చేయలేరు.