టాటా నెక్సాన్ కొత్త వేరియంట్లు

టాటా కార్లలో నెక్సాస్ కు మార్కెట్ లో మంచి డిమాండ్ ఉంది. మార్కెట్ లో వీటి విక్రయాలు జోరుగా సాగుతున్నాయి. ఇప్పుడు నెక్సాస్ ఎస్ యూవీని టాటా నవీకరించింది.ఫియర్ లెస్ ప్లస్, క్రియేటివ్ ప్లస్ మోడళ్లకు సన్ రూఫ్ ను ఏర్పాటు చేసింది. ఐసీఎన్ జీ వెర్షన్ కు ఇప్పడు క్రియేటవ్ ప్లస్ పీఎస్ ట్రిమ్ లో ఈ ఫీచర్ ను అందిస్తుంది. ఈ అప్ డేట్ వేరియంట్ ధర రూ.12.79 లక్షల నుంచి ప్రారంభమవుతుంది. టాటా మోటార్స్ తన నెక్సాన్ కారును ఆధునీకరించింది. పెట్రోలు, డీజిల్ పవర్ ట్రెయిన్ లలో పనోరమిక్ సన్ రూఫ్ తో కొత్త టాప్ స్పెక్ వేరియంట్లను అందుబాటులోకి తీసుకువచ్చింది. సింగిల్ పాన్ సన్ రూఫ్ ను పొందటానికి ఫియర్ లెస్ ట్రిమ్ ను కూడా అప్ డేట్ చేసింది. అలాగే ఐసీఎన్ జీ ఇంధన వెర్షన్ మిడ్ స్పెక్ క్రియేటివ్ ప్లస్ పీఎస్ వేరియంట్ లో ఐచ్చిక సన్ రూఫ్ అందుబాటులో ఉంది. సన్ రూఫ్ ఉన్న కార్ల విక్రయాలు మన దేశంలో జోరందుకున్నాయి. అనేక కుటుంబాలు ఇలాంటి వాహనాలనే ఇష్టపడుతున్నాయి. దీంతో టాటా మోటార్స్ సన్ రూఫ్ తో కూడిన అప్ డేట్ ను తీసుకువచ్చింది. ఇలాంటి ఆధునిక ఫీచర్ ఉన్న కార్ల కోసం ప్రజలు ఎంతో ఆసక్తిగా ఎదురు చూస్తున్నారు.

టాటా నెక్సాన్ కొత్త వేరియంట్లు

నిర్బయ ప్లస్ పీఎస్ (పెట్రోలు)

కొత్త ఫియర్ లెస్ ప్లస్ పీఎస్ వేరియంట్ లో మాన్యువల్ ట్యాన్స్ మిషన్ ఏర్పాటు చేశారు. దీని పెట్రోలు వెర్షన్ రూ.13.59 లక్షల (ఎక్స్ షోరూమ్) నుంచి ప్రారంభమవుతుంది. అలాగే డ్యూయల్ క్లబ్ ట్రాన్స్ మిషన్ తో కూడిన వేరియంట్ రూ.14.79 లక్షల (ఎక్స్ షోరూమ్) నుంచి అందుబాటులో ఉంది.

నిర్బయ ప్లస్ పీఎస్ (డీజిల్)

ఫియర్ లెస్ ప్లస్ పీఎస్ డీజిల్ వేరియంట్ లోనూ మాన్యువల్ ట్రాన్స్ మిషన్ ఏర్పాటు చేశారు. దీని ధర రూ.14.99 లక్షల నుంచి ప్రారంభమవుతుంది. దీనిలో ఏఎంటీ తో వేరియంట్ కు రూ.15.59 లక్షల వరకూ వెచ్చించాలి.

క్రియేటివ్ ప్లస్ పీఎస్ (ఐసీఎన్ జీ)

పనోరమిక్ సన్ రూఫ్ కలిపిన క్రియేటివ్ ప్లస్ పీఎస్ లోని ఐసీఎన్ జీ వేరియంట్ రూ.12.79 లక్షలకు అందుబాటులో ఉంది. దీనిలోనే డ్యూయల్ టోన్ వేరియంట్ కోసం రూ.12.99 లక్షల నుంచి మొదలవుతోంది.

ఇంజిన్ ఎంపికలు

టాటా నెక్సాన్ ఎస్ యూవీ పెట్రోలు, డీజిల్, ఐసీఎన్ జీ తదితర మూడు రకాల ఇంధన ఎంపికలతో అందుబాటులోకి ఉంది. పెట్రోలు, ఐసీఎన్ జీ వెర్షన్లకు 1.2 లీటర్ల టర్బో చార్జ్ రివోర్ట్రన్ ఇంజిన్ ఏర్పాటు చేశారు. డీజిల్ వెర్షన్ మాత్రం 1.5 లీటర్ల టర్బో చార్జ్ రివోటార్క్ ఇంజిన్ అమర్చారు.