ట్రెండింగ్
అయన మరణం చంద్రగిరి నియోజకవర్గ ప్రజలకు తీరని లోటు
Andhra Pradesh Telugu | Suryaa Desk | Published : Sat, Nov 16, 2024, 06:06 PM
ఏపీ ముఖ్యమంత్రి చంద్రబాబు నాయుడు సోదరుడు నారా రామ్మూర్తి నాయుడు కన్నుమూశారు. గత కొద్ది రోజులుగా అనారోగ్యంతో బాధపడుతున్న ఆయన ఈరోజు (శనివారం) గుండెపోటుతో తుదిశ్వాస విడిచారు. ఈరోజు మధ్యాహ్నం 12:45 గంటలకు మృతి చెందినట్లు ఏఐజీ ఆస్పత్రి వర్గాలు ప్రకటించాయి.సీఎం చంద్రబాబు సోదరుడు, మాజీ ఎమ్మెల్యే నారా రామ్మూర్తినాయుడు మృతి పట్ల రాష్ట్ర రోడ్లు మరియు భవనాలు, పెట్టుబడులు, మౌలిక సదుపాయాల శాఖ మంత్రి బీసీ జనార్ధన్ రెడ్డి తీవ్ర దిగ్భ్రాంతి వ్యక్తం చేశారు. నారా రామ్మూర్తి మృతి.. ఆయన కుటుంబంతో పాటు, చంద్రగిరి నియోజకవర్గ ప్రజలకు, తెలుగు దేశం పార్టీ కార్యకర్తలకు తీరని లోటన్నారు. ఆయన ఆత్మకు శాంతి చేకూరాలని, వారి కుటుంబ సభ్యులకు మనో ధైర్యం ఇవ్వాలని దేవుని ప్రార్ధిస్తున్నట్లు మంత్రి జనార్ధన్ రెడ్డి తెలిపారు.
|
|