ఒక షేరు కొంటే 1 షేరు ఉచితం.. ఆపై 50 శాతం డివిడెండ్.. నవంబర్ 29 రికార్డ్ తేదీ

స్మాల్ క్యాప్ కేటగిరి మెటల్ స్టాక్ సూర్య రోషిణి లిమిటెడ్‌ కొన్నవారికి డబుల్ బొనాంజా. ఈ కంపెనీకి చెందిన బోర్డు ఆఫ్ డైరెక్టర్స్ ఇటీవల సమావేశమై తమ వాటాదారులకు బోనస్ షేర్లు ఇచ్చేందుకు ఆమోదం తెలుపారు. ఒక షేరు కొన్న వారికి మరో షేరు ఉచితంగా అందనుంది. సెప్టెంబర్‌తో ముగిసిన రెండో త్రైమాసికానికి గాను 50 శాతం మేర మధ్యంతర డివిడెండ్ ఇచ్చేందుకు బోర్డు ఆమోదం తెలుపింది. ఈ బోనస్ షేర్లు, డివిడెండ్ సంబంధించిన రికార్డు తేదీని నవంబర్ 29 కంపెనీ ప్రకటించింది.

కంపెనీ ఎక్స్చేంజ్ ఫైలింగ్ గమనిస్తే.. తమ వాటాదారులకు 1:1 రేషియోలో బోనస్ షేర్లు ఇచ్చేందుకు బోర్డు సిఫార్స్ చేసింది. అంటే రికార్డు తేదీ నాటికి రూ. 5 ఫేస్ వ్యాల్యూ గల 1 ఈక్విటీ షేరు తమ డీమ్యాట్ అకౌంట్‌లో కలిగి ఉన్నవారికి రూ. 5 ఫేస్ వ్యాల్యూ ఉండే మరో ఈక్విటీ షేరును బోనస్ రూపంలో ఉచితంగా అందించనున్నారు. ఇందుకు కంపెనీ బోర్డు ఆమోదం తెలిపినట్లు ఎక్స్చేంజీ ఫైలింగ్‌లో కంపెనీ తెలిపింది. అలాగే.. సెబీ రెగ్యులేషన్స్, 2015లోని రెగ్యులేషన్ 42 నిబంధనల ప్రకారం.. 2025 ఆర్ధిక సంవత్సరం రెండో త్రైమాసికానికి గాను ఒక్కో ఈక్విటీ షేరుకు 50 శాతం అంటే రూ. 2.5 చొప్పున మధ్యంతర డివిడెండ్ సిఫార్స్ చేసింది. ఈ బోనస్ షేర్లు, డివిడెండ్ ఇచ్చేందుకు ఇచ్చేందుకు నవంబర్ 29, 2024ని రికార్డు తేదీగా నిర్ణయించినట్లు కంపెనీ వెల్లడించింది.

ఈ బోనస్ షేర్లు, డివిడెండ్ ప్రకటించిన క్రమంలో ఈ కంపెనీ షేరుకు ప్రముఖ స్టాక్ బ్రోకరేజీ కంపెనీ అయిన కన్సెన్సస్ బై రేటింగ్ ఇచ్చింది. అలాగే కొత్త టార్గెట్ ప్రైజ్ ఇస్తున్నట్లు పెట్టుబడిదారులకు సూచించింది. సూర్య రోషిణి లిమిటెడ్ షేరుకి కొత్త టార్గెట్ రూ. 661 ఇస్తున్నట్లు బ్రోకరేజ్ తెలిపింది. ప్రస్తుత ధరతో పోలిస్తే సుమారు 7 శాతం లాభపడే అవకాశం ఉన్నట్లు పేర్కొంది.

స్టాక్ మార్కెట్ గత వారం చివరి ట్రేడింగ్ సెషన్‌లో సూర్య రోషిణి లిమిటెడ్ షేరు ధర 11 శాతం నష్టపోయి రూ. 582.15 వద్ద స్థిరపడింది. ఈ షేరు 52 వారాల గరిష్ఠ ధర రూ. 841.65, కనిష్ట ధర రూ. 467.55 వద్ద ఉంది. గత వారం రోజుల్లో 16 శాతం నష్ట పోగా, గత నెల రోజుల్లో 13 శాతం నష్టాన్ని మిగిల్చింది. గత ఏడాది కాలంలో ఈ షేరు 16 శాతం లాభాన్ని ఇచ్చింది. అయితే గత ఐదేళ్లలో 603 శాతం లాభాన్ని అందించింది. ప్రస్తుతం ఈ కంపెనీ మార్కెట్ క్యాప్ రూ. 6640 కోట్ల వద్ద ఉంది.