తిరుమల శ్రీవారిని దర్శించుకున్న నటి జ్యోతిక
Andhra Pradesh Telugu | Suryaa Desk | Published : Wed, Nov 27, 2024, 11:29 AM
సినీ నటి జ్యోతిక తిరుమల శ్రీవారిని దర్శించుకున్నారు. బుధవారం వీఐపీ ప్రారంభ విరామ దర్శన సమయంలో ఆమె స్వామి వారి సేవలో పాల్గొన్నారు.తితిదే అధికారులు జ్యోతికకు స్వాగతం పలికి దర్శన ఏర్పాట్లు చేశారు. దర్శనం అనంతరం ఆమెకు రంగనాయకుల మండపంలో పండితులు వేదాశీర్వచనం చేసి స్వామివారి తీర్థప్రసాదాలు అందజేశారు.జ్యోతిక ఒకప్పటి దక్షిణాది అగ్ర తారగా వెలుగొందారు. ఆమె నటన గురించి మనం ప్రత్యేకించి చెప్పక్కర్లేదు. షాక్, ఠాగూర్, చంద్రముఖి, సినిమాలు తన నటనకు అద్దం పట్టాయి. వర్థమాన హీరోయిన్లు ఆమెలా పేరు తెచ్చుకోవాలని కోరుకుంటారు. సూర్యతో వివాహం తర్వాత యాక్టింగ్కు దూరంగా ఉన్నారు. అప్పుడప్పుడు కొన్ని యాడ్స్లో నటించారు. వీరికి ఇద్దరు పిల్లలు. అయితే చాలా కాలం తర్వాత జ్యోతిక సెకండ్ ఇన్నింగ్స్ ప్రారంభించారు. ఈ క్రమంలోనే వరుసగా సినిమాలు చేస్తూ దూసుకెళ్తున్నారు. ఆకట్టుకునే అందంతో ఏమాత్రం తగ్గేది లేదంటున్నారు. ఈ మధ్య కాలంలో లేడి ఓరియెంటెడ్ సినిమాలు చేస్తూ ప్రేక్షకులను ఆకట్టుకుంటున్నారు.
|
|