భారత్, ఆస్ట్రేలియా కాదు.. ఛాంపియన్స్ ట్రోఫీ గెలిచే జట్టేదో చెప్పిన గవాస్కర్

సరిగ్గా నెలరోజుల్లో ఛాంపియన్స్ ట్రోఫీ 2025కి తెరలేవనుంది. పాకిస్థాన్-న్యూజిలాండ్ జట్ల మధ్య తొలి మ్యాచ్ ఫిబ్రవరి 19న జరగనుంది. కాగా ఈ టోర్నీలో మొత్తం 8 జట్లు పాల్గొననుండగా.. దాదాపు అన్ని దేశాలు జట్లను ప్రకటించాయి. ఈ టోర్నీకి పాకిస్థాన్ ఆతిథ్య దేశంగా ఉంది. కానీ భారత్ ఆడే మ్యాచ్‌లు మాత్రం దుబాయ్ వేదికగా జరుగుతాయి. అయితే ఈ టోర్నీలో విజేతగా ఎవరు నిలుస్తారనే దానిపై టీమిండియా క్రికెట్ దిగ్గజం సునీల్ గవాస్కర్ విశ్లేషించాడు.

అయితే సునీల్ గవాస్కర్ భారత్‌ను కాదని మరో జట్టును ఎంపిక చేశాడు. డిఫెండింగ్ ఛాంపియన్ పాకిస్థాన్.. ఈసారి కూడా టైటిల్ సాధించే అవకాశం ఉందని జోస్యం చెప్పాడు. అందుకు గల కారణాలను కూడా వెల్లడించాడు.

"ఛాంపియన్స్ ట్రోఫీ ఫేవరెట్లు అనే ట్యాగ్‌లైన్‌ను కచ్చితంగా హోమ్ టీమ్‌కే ఇవ్వాలి. పాకిస్థాన్‌ను వారి దేశంలో ఓడించడం అంత ఈజీ కాదు. భారత్ వేదికగా జరిగిన వన్డే ప్రపంచకప్ 2023లో భారత్ ఫైనల్‌కు చేరిందనే విషయాన్ని గుర్తు పెట్టుకోవాలి. ఫైనల్‌లో భారత్ ఓడిపోయినా.. టోర్నీలో ఒక్క మ్యాచ్‌లో కూడా ఓడిపోలేదు. అన్ని మ్యాచుల్లో గెలిచింది. ఇప్పుడు ఇదే పాకిస్థాన్‌కు కూడా వర్తిస్తుంది. ఆ జట్టుకూ అలాంటి అవకాశమే ఉంది. స్వదేశంలో ఏ జట్టునైనా ఓడించడం ప్రత్యర్థికి కష్టమే. అందుకే ఛాంపియన్స్ ట్రోఫీలో పాకిస్థాన్‌ను ఫేవరెట్ జట్టుగా భావిస్తున్నా" అని సునీల్ గవాస్కర్ చెప్పుకొచ్చాడు.

కాగా ఫిబ్రవరి 19 నుంచి పాకిస్థాన్ వేదికగా హైబ్రిడ్ మోడల్‌లో ఛాంపియన్స్ ట్రోఫీ జరగనుంది. భారత్-పాకిస్థాన్ మ్యాచ్ ఫిబ్రవరి 23న దుబాయ్ వేదికగా జరగనుంది. చివరిసారిగా ఛాంపియన్స్ ట్రోఫీ 2017లో నిర్వహించారు. ఆ టోర్నీ ఫైనల్‌లో భారత్‌ను ఓడించి.. పాకిస్థాన్ విజేతగా నిలిచింది. వచ్చే నెలలో జరగనున్న ఈ టోర్నీలో పాకిస్థాన్, భారత్‌, న్యూజిలాండ్‌, బంగ్లాదేశ్, దక్షిణాఫ్రికా, ఆస్ట్రేలియా, అప్ఘానిస్థాన్‌, ఇంగ్లాండ్‌ జట్లు తలపడనున్నాయి.

ఛాంపియన్స్ ట్రోఫీలో భారత్ ఆడే మ్యాచ్‌ల షెడ్యూల్‌..

ఫిబ్రవరి 20న బంగ్లాదేశ్‌తో మ్యాచ్‌

ఫిబ్రవరి 23న పాకిస్థాన్‌తో మ్యాచ్‌

మార్చి 2న న్యూజిలాండ్‌తో మ్యా