ట్రెండింగ్
ఇచ్చిన హామీలు నెరవేర్చకుండానే రాష్ట్రాన్ని అప్పులపాలు చేసారు
Andhra Pradesh Telugu | Suryaa Desk | Published : Wed, Jan 29, 2025, 08:13 AM
టీడీపీ ఎమ్మెల్యేలు 2024 ఎన్నికల ప్రచారంలో తల్లులకు 15 వేలు, పిల్లలకు 15 వేలు అంటూ ప్రచారం చేసి మోసం చేశార‌ని మాజీ ఎమ్మెల్యే కాట‌సాని రాంభూపాల్‌రెడ్డి మండిప‌డ్డారు. సంక్షేమ పథకాలు అమలు చేయకుంటే చొక్కా పట్టుకోమని చెప్పిన నేతలు ఇప్పుడు ఎక్క‌డ దాక్కున్నార‌ని ప్ర‌శ్నించారు.
చంద్రబాబు పాలనలో రాష్ట్రాన్ని అప్పుల పాలు చేసినా..వైయ‌స్ జగన్ ప్రభుత్వంలో అందరికి సంక్షేమ పథకాలు అందించార‌ని గుర్తు చేశారు. ప్రజలకు ఇచ్చిన హామీలు అమలు చేయకుండా రాష్ట్రం అప్పుల పాలయ్యిందని బాబు చెప్పుకోవ‌డం దివాళ‌కోరుత‌న‌మ‌న్నారు.రాష్ట్రంలో క్వాలిటీ చదువు కన్న క్వాలిటీ మద్యాన్ని చంద్రబాబు అందిస్తున్నార‌ని దుయ్య‌బ‌ట్టారు. చంద్రబాబు సూపర్ సిక్స్ అట్ట‌ర్ ప్లాప్ అయ్యింద‌ని విమ‌ర్శించారు. 40 సంవత్సరాల రాజకీయ అనుభవం ఉన్న ఆయన రాష్ట్రానికి ఏమి చేయ‌లేద‌న్నారు.
|
|