ఒక్కసారిగా భూమ్మీద పడి పేలిపోయిన యుద్ధ విమానం

అగ్రరాజ్యం అమెరికాకు చెందిన ఎఫ్-35 యుద్ధ విమానం ఆకాశంలో నుంచి ఒక్కసారిగా కిందకు జారి పడింది. నేరుగా వచ్చి రన్‌వేపై పడిన ఈ విమానం.. క్షణాల్లోనే బూడిద అయింది. పెద్ద ఎత్తున మంటలు వ్యాపించగా.. విమానం మొత్తం కాలిపోయింది. ప్రస్తుతం ఇందుకు సంబంధించిన వీడియో నెట్టింట తెగ వైరల్ అవుతోంది. ఆ పూర్తి వివరాలు మీకోసం.

అమెరికాకు చెందిన ఎఫ్-35 యుద్ధ విమానం.. అలస్కాలోని ఎలిసన్ ఎయిర్ ఫోర్స్ బేస్ వద్ద ఆకాశంలో విన్యాసాలు చేస్తోంది. అయితే మంగళ వారం రోజు మధ్యాహ్నం 1 గంటలకు ఈ విమానం ఉన్నట్టుండి కింద పడిపోయింది. విమానాశ్రయ రన్‌వే పై జారి పడగా.. ఒక్కసారిగా పేలిపోయింది. విమానం భూమ్మీద పడ్డ వెంటనే పెద్ద ఎత్తున మంటలు చెలరేగాయి. ఇలా చూస్తుండగానే యుద్ధ విమానం బూడిదగా మారింది.

అయితే అందులో ఉన్న పైలెట్ మాత్రం కింద పడ్డ వెంటనే పక్కకు వచ్చేశాడు. కానీ అప్పటికే అతడికి గాయాలు అయ్యాయి. ఈ విషయం గుర్తించిన స్థానిక అధికారులు వెంటనే పైలెట్‌ను బాసెట్ ఆర్మీ ఆసుపత్రికి తరలించారు. ప్రస్తుతం అతడి పరిస్థితి బాగానే ఉన్నట్లు వైద్యులు చెబుతున్నారు. ఎయిర్ బేస్ పరిధిలోనే ఈ ప్రమాదం జరగడంతో.. అధికారులు వెంటనే స్పందించగలిరారు.

అయితే ఈ ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు. మరోవైపు విమానం కూలిపోవడానికి గల కారణం ఏంటో తెలుసుకునే పనిలో పడ్డారు సాంకేతిక నిపుణులు. ఈక్రమంలోనే ఎఫ్-35 యుద్ధ విమానంలోని శకలాలను పరిశీలిస్తున్నారు. కానీ విమానంలోని ఎక్కువ భాగాలు కాలిపోవడంతో.. ఎలాంటి ఆధారాలు లభించడం లేదు. పైలెట్ కోలుకుంటే తప్ప ఈ ప్రమాదం ఎందుకు, ఎలా జరిగిందో తెలిసేలా లేదు.

ప్రస్తుతం ఈ ప్రమాదానికి సంబంధించిన వీడియో నెట్టింట తెగ వైరల్ అవుతోంది. ఇది చూసిన ప్రతీ ఒక్కరూ.. వీడియో చాలా భయంకరంగా ఉందంటూ చెప్పుకొస్తున్నారు. పైలెట్ ప్రాణాలతో బయటపడే సమస్యే లేదంటూ మరికొంత మంది చెప్పుకొస్తున్నారు. పైలెట్ ప్రాణాలతో బయట పడితే చాలంటూ మరికొంత మంది నెటిజెన్లు కామెంట్లు చేస్తున్నారు.