చింతపండుతో అన్నీ హెయిర్ ప్రాబ్లమ్స్ మాయం

ఈ రోజుల్లో బిజీ లైఫ్‌స్టైల్, దుమ్ము, కాలుష్యం కారణంగా మన జుట్టు పొడిగా, నిర్జీవంగా మారుతుంది. అంతేకాకుండా.. తెల్ల జుట్టు, తలపై వెంట్రుకలు రాలిపోవడం, పొడి జుట్టు వంటి అనేక సమస్యలు ఎదుర్కొంటున్నారు. చిన్న వయసులోనే చాలా మంది జుట్టు సమస్యలతో సతమతమవుతున్నారు. దీంతో జుట్టు సమస్యలకు చెక్ పెట్టడానికి చాలా మంది ఖరీదైన షాంపూలు, కండిషనర్లు సీరమ్‌లు వాడుతున్నారు. అయినా సరైన ఫలితాలు ఉండటం లేదు.

అయితే, ఎటువంటి ఖర్చు లేకుండా.. కొన్ని సహజ పద్ధతుల ద్వారా జుట్టును సంరక్షించుకోవచ్చు. కొన్ని ఇంటి చిట్కాలు జుట్టు సమస్యల్ని తగ్గిస్తాయి. జుట్టు రాలడం, పొడిబారడం, తెల్ల జుట్టు వంటి అన్నీ హెయిర్ ప్రాబ్లమ్స్‌కి చింతపండు బాగా ఉపయోగపడుతుందంటున్నారు నిపుణులు. అవును మీరు విన్నది నిజమే.. వంటల్లో ఉపయోగించే చింతపండుతో జుట్టు సమస్యలకు చెక్ పెట్టవచ్చు. చింతపండుతో ప్రయోజనాలేంటి, జుట్టు సమస్యలకు చెక్ పెట్టడానికి దాన్ని ఎలా వాడాలో ఇక్కడ తెలుసుకుందాం.

చింతపండులో పోషకాలు

​చింతపండులో జుట్టు ఆరోగ్యానికి మేలు విటమిన్ సి ఎక్కువగా ఉంటుంది. ఇందులో యాంటీ ఆక్సిడెంట్లు, జింక్, ఐరన్ మూలాలు ఉంటాయి. ఇవి జుట్టుకు తగిన పోషణనిస్తాయి. జుట్టును ఆరోగ్యంగా ఉంచడమే కాకుండా ఎన్నో ప్రయోజనాల్ని అందిస్తుంది. చింతపండుతో కలిగే ప్రయోజనాలేంటి, దాన్ని ఎలా వాడాలో ఇప్పుడు తెలుసుకుందాం.

చుండ్రుకు చెక్

చింతపండులో ఉండే విటమిన్ సి తల చర్మాన్ని శుభ్రపరుస్తూ చుండ్రును తొలగించడంలో సహాయపడుతుంది. ఇందుకోసం కొంచెం చింతపండును నీటిలో నానబెట్టి రాత్రంతా అలాగే ఉంచండి. ఉదయం చింతపండును బాగా నలిపి, నీటిని ఫిల్టర్ చేయండి. ఆ నీటిని జుట్టు, తలపై రాయండి. అరగంట తర్వాత, జుట్టును శుభ్రమైన నీటితో వాష్ చేసుకోండి. ఈ రెమెడీని కొన్ని రోజులు పాటు ఫాలో అయితే చుండ్రు సమస్య తగ్గుతుందని ఆయుర్వేద నిపుణులు అంటున్నారు.

మృదువైన జుట్టు

​జుట్టును మృదువుగా చేయడానికి, చింతపండు నీటిని ఉపయోగించవచ్చు. ఇందుకోసం ఒక గిన్నెలో చింతపండు నీళ్ళు తీసుకోండి. అందులో అలోవెరా జెల్ కలిపి జుట్టుకు అప్లై చేయాలి. ఈ హెయిర్ మాస్క్ ఆరిన తర్వాత, మీ జుట్టును షాంపూతో కడగాలి. ఈ హెయిర్ మాస్క్ జుట్టును హైడ్రేటెడ్‌గా ఉంటుంది. జుట్టుకు కావాల్సిన తేమను అందిస్తుంది. దీంతో జుట్టు మృదువుగా మారడంతో పాటు మెరుస్తుంది.

జుట్టు పెరుగుదల

చింతపండు నీరు జుట్టు పెరుగుదలకు కూడా ప్రభావవంతంగా ఉంటుంది. చింతపండు నీరు జుట్టు పెరుగుదలను ప్రోత్సాహిస్తుంది. ఇందుకోసం చింతపండు నీటితో జుట్టును క్రమం తప్పకుండా మసాజ్ చేయాలి. మసాజ్ చేయడం వల్ల తలలో రక్త ప్రసరణ మెరుగుపడుతుంది. దీనివల్ల జుట్టు వేగంగా పెరగడం ప్రారంభమవుతుంది.

జుట్టు రాలడం ఆగిపోతుంది

ఈ రోజుల్లో చాలా మందిని వేధిస్తున్న సమస్య జుట్టు రాలడం. జుట్టు రాలడంతో బాధపడుతుంటే చింతపండు నీరు మీకు బెస్ట్ ఆప్షన్ అంటున్నారు నిపుణులు. ఇందులో ఉండే యాంటీ ఆక్సిడెంట్లు, జింక్, ఐరన్ జుట్టును బలంగా మారుస్తాయి. దీంతో జుట్టు రాలడం తగ్గిపోతుంది. ఇందుకోసం కొంచెం చింతపండును నీటిలో నానబెట్టి రాత్రంతా అలాగే ఉంచండి. ఉదయం చింతపండును బాగా నలిపి, నీటిని ఫిల్టర్ చేయండి. ఆ నీటిని జుట్టు, తలపై రాయండి. అరగంట తర్వాత, జుట్టును శుభ్రమైన నీటితో వాష్ చేసుకోండి.

జుట్టు చివర్లు చిట్లిపోవడం ఆగిపోతుంది

జుట్టు పొడిబారడం వల్ల తరచుగా చివర్లు చిట్లడం జరుగుతుంది. ఇలాంటి పరిస్థితుల్లో చింతపండు నీరు జుట్టుకు తేమను అందిస్తుంది. అంతేకాకుండా చివర్ల చిట్లిపోవడాన్ని నియంత్రిస్తుంది. ఇందుకోసం చింతపండు నీళ్ళను హెన్నా లేదా కలబంద జెల్ తో కలిపి జుట్టుకు అప్లై చేయాలి. ఆ తర్వాత ఇరవై నిమిషాల పాటు ఆరనివ్వాలి. బాగా ఆరిన తర్వాత జుట్టును వాష్ చేసుకోవాలి. ఇది జుట్టులో తేమను నిలుపుతుంది. దీంతో, జుట్టు పొడిబారడం ఆగిపోతుంది.

తెల్ల జుట్టు

ఈ రోజుల్లో చాలా మంది తెల్ల జుట్టుతో బాధపడుతున్నారు. చిన్న వయసులోనే జుట్టు నెరసిపోతుంది. ఇలాంటి వారికి చింతపండు బెస్ట్ ఆప్షన్. ఇందుకోసం చింతపండు నీరును తీసుకోండి. ఆ తర్వాత ఈ నీటిని హెన్నాతో కలపండి. ఆ తర్వాత జుట్టుకు బాగా అప్లై చేసి.. కాసేపు ఆరనివ్వండి. జుట్టు బాగా ఆరిన తర్వాత తేలికపాటి షాంపూతో వాష్ చేసుకోండి. ఇలా చేయడం వల్ల జుట్టు నల్లగా మారుతుందని ఆయుర్వేద నిపుణులు అంటున్నారు.