రక్తాన్ని పల్చగా చేయడమే కాకుండా స్ట్రోక్, గుండె సమస్యల్ని దూరం చేస్తాయి

రక్తం చిక్కగా మారితే చాలా సమస్యలొస్తాయి. అందుకే, రక్తం గడ్డకట్టకుండా చూసుకోవాలి. దీనికోసం కొంతమంది మందులు వాడతారు. అలా కాకుండా కొన్ని పదార్థాలను తీసుకుంటే రక్తం పల్చగా మారుతుంది. అవేంటో తెలుసుకోండి. ఇంట్లోనే దొరికే కొన్ని పదార్థాలని తీసుకుంటే రక్తాన్ని పల్చగా చేయడమే కాకుండా స్ట్రోక్, గుండె సమస్యల్ని దూరం చేస్తాయి

రక్తం చిక్కగా, మందంగా ఉండడం సమస్యే. రక్తంలో ఎర్ర రక్త కణాలు ఎక్కువగా ఉండడం వల్ల రక్తం గడ్డ కడుతుంది. ఎర్రరక్తకణాలు సాధారణం కంటే ఎక్కువగా ఉంటే రక్తం మందంగా మారుతుంది. ఇలా రక్తం మందంగా ఉంటే గడ్డ కడుతుంది. ఈ కారణంగా స్ట్రోక్, గుండెపోటు, ఇతర సమస్యలకి కారణమవుతుంది. ఈ సమస్యని దూరం చేసుకునేందుకు కొన్ని మందులు వాడుతుంటారు. అలా కాకుండా సహజంగానే రక్తాన్ని పల్చగా మార్చాలనుకుంటే కొన్ని ఫుడ్స్ హెల్ప్ చేస్తాయి. అవేంటంటే

దాల్చిన చెక్క

దాల్చిన చెక్క కూడా రక్తాన్ని పల్చగా చేసే గుణాన్ని కలిగి ఉంటుంది. ఆహారంలో తక్కువ మొత్తంలో దాల్చిన చెక్కని యాడ్ చేయడం వల్ల ఇతర సహజ రక్తాన్ని పల్చబరిచే పదార్థాలకి సపోర్ట్ ఇవ్వొచ్చు. అయితే, దీనిని మరీ ఎక్కువగా తీసుకోవద్దు. దీంతో లివర్ దెబ్బతింటుంది.

ఎలా వాడాలి

కేక్స్, బేక్ చేసిన వస్తువులు, డ్రింక్స్‌లో పొడి రూపంలో, ఇతర మసాలా పదార్థాలతో కలిపి తీసుకోవచ్చు. డాక్టర్ సలహాతో క్యాప్సూల్స్‌గా తీసుకోవచ్చు.

వెల్లుల్లి

వెల్లుల్లిలోని గుణాలు రక్తం గడ్డ కట్టడాన్ని తగ్గిస్తాయి. దీనిని రెగ్యులర్‌గా తీసుకోవడం వల్ల రక్తం గడ్డం కట్టడం తగ్గి పల్చగా మారుతుంది. దీనికోసం

వెల్లుల్లిని ఉదయాన్నే పచ్చిగా తీసుకోవచ్చు. వంటల్లో తీసుకోవచ్చు. బేకింగ్‌లో వాడొచ్చు. ఆలివ్‌లని కలిపి తీసుకోవచ్చు. డాక్టర్ సలహాతో సప్లిమెంట్స్‌లా తీసుకోవచ్చు.

స్పైసీ పెప్పర్

స్పైసీ పెప్పర్‌లో కూడా సాలిసైలేట్స్ ఉంటాయి. వీటిని మనం డైట్‌లో చేర్చుకోవడం వల్ల రక్తం పల్చబడుతుంది. అయితే, దీనికి ఆధారాలు అవసరం.

ఎలా వాడాలి.

వీటిని మనం సూప్స్, స్టూలలో తీసుకోవచ్చు. ఉడికించిన గుడ్లపై చల్లి తీసుకోవచ్చు. డాక్టర్ సలహాతో క్యాప్సూల్స్‌లా కూడా తీసుకోవచ్చు.

అల్లం

అల్లం కూడా రక్తం గడ్డకట్టడాన్ని తగ్గించే మరో గొప్ప మూలిక, కొన్ని పరిశోధనల ప్రకారం, అల్లంలో ట్రస్టెడ్ సోర్స్ సాలిసైలేట్స్ ఉన్నాయి. దీనిని తీసుకోవడం వల్ల రక్తం పల్చబడుతుంది. దీనికి మరికొన్ని పరిశోధనలు అవసరం.

అల్లాన్ని వంటల్లో వాడొచ్చు. తాజాగా, ఎండిన అల్లాన్ని తురుములా చేసి ఎలా అయినా తీసుకోవచ్చు. నీటిలో నానబెట్టి అల్లం టీలా చేసి తాగొచ్చు. జ్యూస్‌ల్లో వేసుకుని తాగొచ్చు. డాక్టర్ సలహాతో క్యాప్సూల్ రూపంలో తీసుకోవచ్చు.

పసుపు

పసుపులో ఎన్నో అద్భుత, ఔషధ గుణాలు ఉన్నాయి. ఇందులోని కర్కుమిన్, యాంటీ ఇన్‌ఫ్లమేటరీ గుణాలు ఉన్నాయి. ఇవి రక్తాన్ని పల్చగా చేస్తాయి. దీంతో రక్తం గడ్డ కట్టకుండా ఉంటుంది. అయితే రక్తం పల్చబడడానికి మందులు వాడుతూ ఈ పసుపుని తీసుకునేటప్పుడు ఆలోచించాలి.

ఎలా వాడాలిపసుపుని వంటలు, సూప్స్‌లో వాడొచ్చు.వేడి నీటిలో కలిపి టీ తయారుచేయొచ్చు. డాక్టర్‌ సలహాతో క్యాప్సూల్ రూపంలో తీసుకోవచ్చు.